ត្រូវគ្នាឡើងវិញ Peak និង Tod កាន់តែស្វីតជាងមុនទៅទៀត

ថៃ៖ បន្ទាប់ពីបានវិលត្រឡប់ មកមានទំនាក់ទំនងស្នេហានឹងគ្នាជាថ្មីម្ដងទៀត តារាស្រី Peak Pattarasaya និង មិត្តប្រុស​ លោក Tod Sina ក៏បានធ្វើឲ្យបណ្ដាអ្នកគាំទ្រជាច្រើន ធ្វើការតាមដាន ក៏ដូចជាចង់ឃើញពីសកម្មភាព និងភាពផ្អែមល្ហែម របស់អ្នកទាំងពីរ នៅលើបណ្ដាញសង្គម កាន់តែខ្លាំងឡើងផងដែរ។ 

ជាពិសេសនោះដែរ ថ្មីៗនេះ តារាស្រី Peak ក៏មិនបានធ្វើឲ្យហ្វេនៗទាំងនោះខកបំណងនោះទេ ដោយបានចេញមកបង្ហោះរូបភាព ជាមួយនឹងគូស្នេហ៍របស់ខ្លួន បង្ហាញកាយវិកាយឱបគ្នាយ៉ាងស្អិតរមួត ព្រមទាំងមានបាច់ផ្កាធំជាប់នឹងដៃ ដែលពោរពេញដោយភាពផ្អែមល្ហែម និងរ៉ូមែនទិកយ៉ាងខ្លាំង ។ 

លើសពីនេះទៅទៀត នាងថែមទាំងបានបង្ហោះសារ បង្ហាញពីអារម្មណ៍ ដែលមានតែពាក្យ ស្រលាញ់ នៅក្នុងនោះ ឲ្យហ្វេនៗដែលបានអានហើយ ចង់លើសជាតិស្ករ ជំនួសអ្នកទាំងពីរ ក៏ដូចជា បានចូលមកបញ្ចេញមតិលេងសើច និងសង្ឃឹមថា ការវិលត្រឡប់មកវិញលើកនេះ អ្នកទាំងពីរនឹងអាចមានដំណឹងល្អសម្រាប់បណ្ដាអ្នកគាំទ្រជាច្រើន ថែមទៀត៕ 

សូមទស្សនារូបភាពខាងក្រោម៖