ប៉ុស្តិ៍ ONE 31 ប្រកាសថានឹងដាក់បញ្ចាំង​រឿងភាគ​ថៃល្បីៗ​ទាំង ១០នេះ​ ក្នុង​ឆ្នាំ ​២០២១

ថៃ៖ បើតាមស្ថានីយ៍ទូរទស្សន៍ថៃ ONE 31 បានប្រកាសថានៅក្នុងឆ្នាំ ២០២១ នេះ ខ្លួនគ្រោងនឹងបញ្ចេញ​រឿងភាគថៃ​ចំនួន ១០ រឿងបន្ថែមទៀត ដែលចូលរួមសម្តែងដោយតារាល្បីៗ ហើយធានាថានឹងមិនឲ្យខក​បំណងទស្សនិកជន​តែ​ម្តង។

លោកអ្នកចង់ដឹងអត់ថា តើរឿងភាគទាំង ១០ នោះមានចំណងជើងអ្វីខ្លះ? ហើយតារាប្រុសស្រីរូបណានឹង​ដើរតួ​សម្តែង​?​

១. រឿង «Krachao Seeda»

តារាស្រី Green Ausadaporn នឹងសម្តែងជាតួចិត្តអាក្រក់លើកដំបូងជាមួយនឹងតារាប្រុស Nune Woranuch និង Peter Corp Dyrendal ដែលរឿងនេះមានចំណងជើងថា «Krachao Seeda»។

២. រឿង «Sinaeha Saree»

សម្រាប់ Baifern Pimchanok នឹងដើរតួជាគូជាមួយ Sean Jindachot ជាលើកដំបូងនៅក្នុងរឿង «Sinaeha Saree»។

៣. រឿង «The Frog Prince»

រីឯលោក Son Yuke ជួបជាមួយតារាស្រី Vill Wannarot ក្នុងរឿង «The Prince Prince»។

៤ . រឿង «Neth Mahunnop»

ក្នុងនោះលោក Son Yuke ក៏សម្តែងជាមួយកញ្ញា Esther Supreeleela ផងដែរក្នុងរឿង «Neth Mahunnop»។

៥. រឿង «Payu Sai»

ចំណែក Esther Supreeleela ក៏បានសម្តែងជាមួយលោក Film Thanapat ជាលើកដំបូងនៅក្នុងរឿង «Payu Sai» ផងដែរ។

៦. រឿង «Wimarn Sai»
សម្រាប់តារាស្រី Wawa Nichari បានធ្វើការជាមួយប៉ុស្តិ៍ ONE 31 ជាលើកដំបូងនៅក្នុងរឿង «Wimarn Sai» ជាមួយ Jes Jespipat និង Esther Supreeleela។

៧. រឿង «Boss & Me»

ឯ Dj Push និង Aom Sushar ក៏ជាលេខទី១ ដែលពួកគេបានចាប់ដៃគូសម្តែងជាមួយគ្នានៅក្នុងរឿងភាគ «Boss & Me»។

៨. រឿង «Wanthong»

តារាស្រី Mai Davika នឹងសម្តែងជាតួអង្គដ៏លំបាកមួយនៅក្នុងរឿងភាគ «Wanthong» ជាមួយ Pong Nawat និង Shahkrit Yamnam។

៩. រឿង «Prajun Daeng»

Tono Pakin ចាប់គូសម្តែងជាមួយ Richy Oranate នៅក្នុងរឿង «Prajun Daeng»។

១០. រឿង «Leh Luang»

ដោយឡែក Cheer Thikumpor នឹងដើរជាតួចិត្តអាក្រក់នៅក្នុងរឿង «Leh Luang» ជាមួយនឹង Jes Jespipat និង Pooklook Fonthip៕