តៃវ៉ាន់៖ ថ្មីៗនេះ តារាចម្រៀង សម្តែង និងជាអ្នកប្រណាំងឡានដ៏មានទេពកោសល្យរបស់តៃវ៉ាន់ Jimmy lin បានបង្ហោះរូបភាពជាមួយសត្វពស់មួយក្បាល ដែលបានសំងំនៅលើដងផ្លូវ នៃទីធ្លាប្រណាំងរថយន្តមួយ ដែលមានឈ្មោះថា Lihpao Racing។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក តួប្រុសក្នុងរឿង «ខ្នោះដៃចំណងស្នេហ៍» ដែលមានអាយុ៤៦ឆ្នាំរូបនេះ បានបង្ហាញរូបភាពចង្អុលទៅសត្វពស់មួយក្បាល ដោយសម្តែងការហួសចិត្តនៅពេលដែលពស់មួយក្បាលនេះ បានវាចូលក្នុងទីលានប្រណាំងឡាន ដោយនេះប្រសិនជារូបលោក មិនបានយកចេញទេ ប្រហែលជាត្រូវរថយន្តផ្សេងទៀត កិនបែកខ្ទេចជាក់ជាមិនខានឡើយ។
ចំណែកពស់មួយក្បាលនោះ ត្រូវបានលោក យកចេញពីកន្លែងនោះដោយសុវត្ថិភាពផង ហើយក៏បន្តការប្រណាំងរថយន្តតទៅទៀតផងដែរ ដោយនេះទំនងប្រហែលជា ការហ្វឹកហាត់កំដៅបន្ថែមនៅពេលទំនេរឬ សម្រាកពីការងាររបស់តារាប្រុសម្នាក់នេះផងដែរ។
ក្រោយពីបានឃើញដូច្នេះរួចមក ហ្វេនៗក៏និយាយសរសើរដល់ Jimmy lin ដែលបានឆ្លៀតពេលចំណាយពេលវេលាដ៏មានតម្លៃជួយសង្គោះជិវិតសត្វពស់មួយក្បាលនេះ ផងដែរ៕
សូមចូលមើលរូបភាពខាងក្រោម៖