មាត់ថាជាមិត្ត ប៉ុន្តែស្នាមញញឹម Tono ក្នុងថ្ងៃពិសេសរបស់ Nycha មើលទៅផ្អែមល្ហែមខ្លាំងម៉្លេះ

ថៃ៖ បើទោះបីជា មិនទាន់មានការបញ្ជាក់ពីទំនាក់ទំនងយ៉ាងច្បាស់លាស់ក៏ដោយ តែដៃគូដ៏ពេញនិយម រវាងតារាស្រី Nycha និង លោក Tono នៅតែជាទីចាប់អារម្មណ៍ចំពោះហ្វេនៗជាច្រើន ក្នុងការតាមដាន ខណៈដែលអ្នកទាំងពីរ តែងតែមានពេលវេលារីករាយជាមួយគ្នា បង្ហាញជូននៅលើបណ្ដាញសង្គម ជានិច្ច។

ថ្មីៗនេះដែរ ក៏ជាពេលវេលាដ៏ពិសេស សម្រាប់តារាស្រី Nycha បន្ទាប់ពី បានបញ្ចប់ការសិក្សានៅមហាវិទ្យាល័យ ដែលនៅក្នុងនោះ តារាប្រុស លោក Tono ក៏មានវត្តមាន ដោយបានមកចូលរួមអបអរ ក៏ដូចជាបានថតរូបភាពគូជាមួយគ្នា យ៉ាងស្វីត ព្រមទាំងមានបាច់ផ្កាប្រគល់ជូនចំពោះ Nycha  ពោរពេញដោយស្នាមញញឹម ថែមទៀត។ 

យ៉ាងណាមិញ នេះគឺជា ពេលវេលាដ៏គួរឲ្យស្រលាញ់មួយទៀតហើយ សម្រាប់អ្នកទាំងពីរ ដែលបានបង្ហាញពីទំនាក់ទំនងដ៏ល្អដែលមានចំពោះគ្នាទៅវិញទៅមក ធ្វើឲ្យអ្នកគាំទ្រជាច្រើនមានភាពរំភើបជំនួសពីភាពផ្អែមល្ហែមមួយនេះ៕​

សូមទស្សនារូបភាពខាងក្រោម៖