ឥណ្ឌា៖ ថ្មីៗនេះ កុមារាសញ្ជាតិឥណ្ឌាម្នាក់ឈ្មោះ Arham Om Talsania អាយុ៦ឆ្នាំ រៀនថ្នាក់ទី២ ត្រូវបាន Guinness of World Record ទទួលស្គាល់ថាជាអ្នកសរសេរកម្មវិធីកុំព្យូទ័រ (Programmer) វ័យក្មេងជាងគេបំផុតក្នុងពិភពលោក បន្ទាប់ពីរូបគេបានបញ្ចប់ការធ្វើតេស្ដមួយ លើភាសាកូដ Python។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីបានគ្រងតំណែងជាអ្នកសរសេរកូដវ័យក្មេង កុមារា Talsania បានឲ្យដឹងថា រូបគេចេះសរសេរកូដ គឺដោយសារការបង្រៀនពីឪពុក។ រូបគេបានចាប់ផ្ដើមប្រើថេប្លេត (Tablet) លើកដំបូងនៅអាយុ២ឆ្នាំ ហើយនៅអាយុ៣ឆ្នាំ គេបានទិញឧបករណ៍អេឡិចត្រូនិកជាច្រើនទៀត ដែលមានទាំងដំណើរការលើប្រព័ន្ធប្រតិបត្តការ iOS និង Windows ជាដើម។ ក្រោយមកទៀត ទើបគេបានដឹងថាឪពុករបស់គេ ក៏ជាអ្នកសរសេរកូដមួយរូបដែរ ដែលប្រើប្រាស់ភាសាកូដ Python នេះឯង។
ទន្ទឹមនឹងនេះ បុរសជាឪពុកបានឲ្យដឹងដែរថា កូនប្រុសរបស់លោកចាប់អារម្មណ៍លើបច្ចេកវិទ្យា តាំងពីគេនៅវ័យក្មេងមកម្ល៉េះ ហើយលោកបានបង្រៀនពីមូលដ្ឋានគ្រឹះនៃការសរសេរកម្មវីធី ហើយគេក៏ចាប់ផ្ដើមបង្កើតហ្គេមតូចៗដោយខ្លួនឯងតាំងពីពេលនោះមក។
ដោយឡែក សម្រាប់ថ្ងៃអនាគតកុមារា Talsania បានបង្ហើបយ៉ាងដូច្នេះថា៖
សូមជម្រាបដែរថា ឯកទត្តកម្មអ្នកសរសេរកម្មវិថីកុំព្យូទ័រវ័យក្មេងជាងគេបំផុត ធ្លាប់ត្រូវបានគ្រងតំណែងដោយកុមារាម្នាក់ឈ្មោះ Muhammad Hamza Shazad អាយុ៧ឆ្នាំ មកពីប្រទេសអង់គ្លេស ដែលមានដើមកំណើតនៅប៉ាគីស្ថាន៕
សូមទស្សនារូបភាពខាងក្រោម៖