ភ្នំពេញ៖ តារាចម្រៀងរ៉ក់ដ៏ល្បីមួយរូបប្រចាំផលិតកម្មរស្មីហង្សមាស បន្ទាប់ពីលោក Zono គឺលោក វង្ស តារារតនា បានតស៊ូនៅក្នុងជីវិតស្ទើរតែមិនរាថយឡើយក្រោយពេលដែលទទួលបានភាពល្បីល្បាញមកដល់ពេលសព្វថ្ងៃនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង បើយោងតាមការបកស្រាយរបស់លោកក្នុងពេលពេលថ្មីៗនៅក្នុងកម្មវិធីមួយដែលមានការគាំទ្រពីសំណាក់យុវវ័យជាច្រើនថា កាលពីលោកមិនទាន់មានភាពល្បីល្បាញ លោកធ្លាប់ធ្វើការនៅហាងអ៊ីនធើណិតមួយកន្លែង មិនត្រឹមតែប៉ុណ្ណោះក៏ធ្លាប់ជួយធ្វើម្ហូប (ឆាមី) ជំនួសម្ចាស់ហាង លាងចានឲ្យគេថែមទៀតផង។ ក្រោយពីបានផ្លាស់ប្តូរបានបន្តិចលោកក៏ធ្លាប់ដើរច្រៀងតាមការប្រគំតន្ត្រីក្នុងពិធីមង្គលការ និងពិធីផ្សេងៗថែមទៀត។ ទោះបីជាពេលនោះលោកគ្រាន់តែជាតារាចម្រៀងដែលច្រៀងអមឆាកក៏ពិតមែន ប៉ុន្តែក្តីស្រមៃរបស់លោកមិនតូចតាចនោះទេ លោកតែងតែបំពេញក្តីស្រមៃដោយចង់ក្លាយជាតារាចម្រៀងដ៏ល្បីមួយរូបប្រចាំប្រទេសកម្ពុជា និងមួយវិញទៀតគឺចង់បានទ្រនំមួយដែលខ្ពង់ខ្ពស់មួយកន្លែងសម្រាប់រស់នៅមួយគ្រួសារផងដែរ។
ក្រោយពីបានដឹងពីជីវិតរបស់លោកដែលធ្លាប់ឆ្លងកាត់ការលំបាកបែបនេះ ពិតជាមានអារម្មណ៍អាណិតលោកខ្លាំងមែនទែន ពីព្រោះតែយើងនឹកស្មានមិនដល់ថាមុខមាត់ស្រស់សង្ហាបែបមនុស្សកាចដូចជាលោក ធ្លាប់ជួបរឿងដ៏សែនលំបាកនៅក្នុងជីវិតបែបនេះនោះទេ។ ប៉ុន្តែនេះគឺជារឿងមួយដែលល្អបំផុតសម្រាប់លោកដែលអាចធ្វើឲ្យលោកចេះមានការតស៊ូនៅក្នុងជីវិត និងអាចជម្នះនូវរាល់ឧបសគ្គទាំងឡាយរហូតមកដល់សព្វថ្ងៃនេះ៕