កម្សាន្ត៖ ពិតជារឿងគាប់ជួនមែន តារាចម្រៀងនិង សម្តែងស្រីល្បីៗឈ្មោះ ចំនួន៤រូបសុទ្ធតែ ទទួលលាភធំចូលផ្ទះ ដោយសម្រាលកូន ក្នុងខែតែមួយដូចគ្នា ខុសតែថ្ងៃគ្នាបន្តិចបន្តួចតែប៉ុណ្ណោះ ហើយបើនិយាយពី មុខមាត់កូនៗវិញ ក៏ស្រស់ស្អាត និងគួរឲ្យស្រលាញ់ មិនចាញ់គ្នាប៉ុន្មានដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងចំណោមនោះ មានដូចជា តារាចម្រៀងសួស វីស្សា ក្រោយពរពោះ អស់រយៈពេល៩ខែ១០ថ្ងៃ ក្នុងថ្ងៃទី០៩ ខែតុលា កន្លងទៅនេះ អ្នកនាងក៏សម្រាល បានកូនស្រីម្នាក់ ដ៏គួរឲ្យស្រលាញ់ ដែលមានឈ្មោះពិតថាថង សាម៉ូលីណា និងឈ្មោះហៅក្រៅថាJenny។ បន្ទាប់ទៀតនេះគឺ តារាចម្រៀងអែន ជី អតីតតារាចម្រៀងស្រី ប្រចាំផលិតកម្មសាន់ដេរូបនេះ ក៏សម្រាលបានកូនប្រុសមួយរូបដែរ កាលពីថ្ងៃទី៤ ខែតុលា កន្លងទៅ មានឈ្មោះពិតថាគង់ វិរៈអ៊ីដែន និងឈ្មោះហៅក្រៅថាEden។
រីឯតារាសម្តែង មុខមាត់ប្រជាប្រិយ អ្នកនាងតូតា វិញសម្រាលបានកូនប្រុស កាលពីថ្ងៃទី១៥ ខែតុលា កន្លងទៅដែរ មានឈ្មោះថាប៉ុល បូនីតតូ មានមុខមាត់ គួរឲ្យក្នាញ់ខ្លាំងណាស់។ ហើយចុងក្រោយនេះវិញគឺ តារាសម្តែងឌី សូនីតា ត្បិតមិនទាន់មានដំណឹងរៀបការ ក៏ពិតមែនតែ តារាស្រីរូបនេះក៏ ទើបតែពរពោះគ្រប់ខែ និងសម្រាលបានកូនស្រីមួយរូប មានឈ្មោះពិតថាហ្សូតា ម៉ីហាណា និងឈ្មោះហៅក្រៅថាSmile កាលពីថ្ងៃទី២២ ក្នុងខែតុលា កន្លងទៅថ្មីៗនេះផងដែរ៕
១. សួស វីស្សា
២. អែន ជី
៣. ម៉ាក សែនសូនីតា (តូតា)
៤. ឌី សូនីតា