ធាត់មែនពិត តែធាត់បែបស្អាត មើលតែប៊ូ ច័ន្ទដាណែត ទៅ អ្នកណាមិនក្នាញ់

ភ្នំពេញ៖ បើអ្នកស្នេហាវិស័យរឿងភាគខ្មែរ ប្រាកដជាបានស្គាល់ ពីតារាសម្តែង ប៊ូ ច័ន្ទដាណែត ដែលរូបនាង តែងតែមានវត្តមាន នៅក្នុងរឿងភាគច្រើនគួរសមដែរ មិនថា ដើរតួជាអ្វី កាចឆ្នាស់ ស្លូត នាងអាចសម្តែងបានទាំងអស់ តែមួយរយៈក្រោយមក រូបនាង មិនសូវចូលថតច្រើនប៉ុន្មានទេ តែរឿងថតស្ពតនានា នាងនៅតែរវល់ដដែល។

ជាពិសេស​បើមើលសម្រស់របស់ តារាស្រីរូបនេះ នាពេលនេះដែរ ក៏មានសាច់ជាងមុនឆ្ងាយណាស់ ខុសពីកាលមុន ដែលរូបនាង មានរូបរាងស្គមស្គាំង តែពេលនេះ មានសាច់ទ្រលុកទ្រលន់ ហើយមុខមាត់វិញ ក៏ពេញមិនធម្មតានោះដែរ។ ប៉ុន្តែទោះបីជា មុខមាត់ និងរូបរាងរបស់នាង​ បានផ្លាស់ប្តូរក៏ដោយ ក៏នាង ត្រូវបានគេសរសើរ ថាដាណែត នៅតែស្រស់ស្អាត តាមបែបអ្នកមានសាច់បែបនេះ មើលទៅគួរឲ្យក្នាញ់ខ្លាំង ជាជាងពេលស្គមទៅទៀត។

អ្វីដែលសំខាន់ ថ្វីបើដាណែត មានសាច់ក៏ដោយ ក៏រូបនាង នៅតែស្លៀកពាក់សាកសមដដែល មិនថា ស្លៀកឈុតអ្វីនោះទេ ខុសពីអ្នកខ្លះ បើធាត់ហើយ គឺប្រាកដជា ស្លៀកពាក់មិនសូវសមនោះទេ តែក្រឡេកមើល ដាណែត នៅតែទាក់ទាញ និងទទួលបានការចាប់អារម្មណ៍ ពីសំណាក់ហ្វេន លើការតែងខ្លួន លើឈុតសម្លៀកបំពាក់៕