ភ្នំពេញ៖ នាពេលថ្មីនេះ ប៉ុស្ដិ៍ទូរទស្សន៍លេខ៣ថៃ ទើបតែបានបញ្ចេញខ្សែភាពយន្តថ្មីរបស់ខ្លួន ជាមួយនឹង Poster ជាច្រើនសន្លឹក បង្ហាញពីតួអង្គ និងឈុតឆាកមួយចំនួននៅក្នុងរឿងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែ អ្វីដែលធ្វើឲ្យមហាជនដែលជាអ្នកគាំទ្រនៅខ្មែរយើង មានការមិនពេញចិត្តនោះ គឺនៅពេលដែលបានឃើញ Poster នោះមានការរចនារូបភាព ដោយដាក់បញ្ចូលជាមួយនឹងរូបប្រសាទអង្គរវត្ត ដែលជាមរតកដូនតារបស់ខ្មែរយើង ដោយមិនមានការសុំអនុញ្ញាតត្រឹមត្រូវ និងមិនបានបកស្រាយបញ្ជាក់អ្វីឡើយ ជាហេតុធ្វើឲ្យរឿងរ៉ាវមួយនេះ កាន់តែក្ដៅគគុក សម្រាប់មហាជនជាច្រើននៅក្នុងប្រទេសរបស់យើង មានការវែកញែកជាហូរហែ។
ជាក់ស្ដែង មុននេះបន្តិច តារាសម្ដែងប្រុស ស្រេន វុធថា ក៏បានចេញមុខបង្ហាញក្ដីមិនពេញចិត្តចំពោះរឿងនេះផងដែរ ដោយលោកបានរៀបរាប់នៅលើបណ្ដាញសង្គមថា៖
ដេីម្បីប្រទេសជាតិ និងសិល្បៈខ្មែរ ខ្ញុំសូមប្រឆាំងដាច់ខាត របស់ផលិតកម្មផលិតកុនរបស់ប្រទេសថៃ និងប៉ុស៍លេខ៣ថៃ ដោយយករូបប្រសាទរបស់ខ្មែរដាក់ក្នុងរឿងរបស់ខ្លួន សូមធ្វេីកាបកស្រាយអោយច្បាស់ ព្រោះការផ្សព្វផ្សាយបែបនេះ ធ្វេីទៅបរទេសយល់ច្រឡំ ព្រោះវាជាប្រាសាទដែរតំណាងអោយប្រទេសកម្ពុជា ខ្ញុំសុខចិត្ដអោយ អ្នកគាំទ្ររឿងថៃ ស្អប់ខ្ញុំនិងជេរខ្ញុំ តែខ្ញុំមិនអាចអោយជនបរទេសឆ្លៀតឱកាសផ្សព្វផ្សាយរបស់ដែរមិនមែនជារបស់ខ្លួនជាដាច់ខាត ប្រទេសនិមួយៗមានវប្បធម៌ សិល្បះរៀងខ្លួន សូមកុំបំពានអ្វីដែរមិនមែនជារបស់ខ្លួន។ តើអាចទេឈប់គាំទ្រ តាមដានរឿងហែកហួរ ស្រី ប្រុស ប្តីប្រពន្ធគេ រឿងបែកស្លុយ etc... ? ងាកមកធ្វើអ្វីដែលអភិវឌ្ឍន៍ខ្លួន និងប្រទេសជាតិ ថែរក្សាមរតកដូនតាយើង។ សូមចិត្ដចុះពួកឆ្កួតនិងខ្លួនឯងមួយចំនួន ទៅប្រដូចនិងអ្នកដ៏ទៃ យេីងធ្វេីចង់តែល្បី តែយេីងដែរសួរខ្លួនឯងអត់ថាម៉ែពុកខំបង្កេីតឈាមទាំងថ្លុក មិនដែរសសេីរនិងសងគុណម្ដាយពុកខ្លួនឯងទេ បែបជាយកខ្លួនទៅប្រដូចអ្នកដ៏ទៃ។
បន្ថែមពីនេះទៀតសោត ក៏មានសិល្បៈករខ្មែរយើងមួយចំនួនទៀត ដូចចាលោក អ៊ុន សុធា និងលោក ជា លាងឆេ ជាដើម ក៏បានប្រតិកម្មការមិនពេញចិត្តជាមួយរឿងនេះផងដែរ។
យ៉ាងណាមិញ តាមរយៈការបង្ហោះរបស់តារាប្រុសរូបនេះ មានមហាជនជាច្រើន ពិតជាមានការពេញចិត្ត និងគាំទ្រជាមួយនឹងទស្សនៈរបស់តារារូបនេះផងដែរ ពិសេសយើងក៏រំពឹងថា ខាងភាគីប៉ុស្តិ៍ទូរទស្សន៍លេខ៣ថៃ និងចេញមុខមកស្រាយបំភ្លឺក្នុងកំហុសមួយនេះជាសាធារណៈឆាប់ៗខាងមុខ៕
Bong I.T