យប់មិញនេះ! សម្តេចតេជោ ហ៊ុន សែន បានអញ្ជើញពិនិត្យមើលស្ថានភាពទឹកជំនន់នៅ ខណ្ឌដង្កោដោយផ្ទាល់

ភ្នំពេញ៖ កាលពីយប់មិញនេះសម្តេចអគ្គមហាសេនាបតីតេជោ ហ៊ុន សែនបានអញ្ជើញចុះត្រួតពិនិត្យមើលស្ថានភាពទឹកជំនន់នៅខណ្ឌដង្កោនិង បានចុះសួរសុខទុក្ខបងប្អូនដែលបានរងគ្រោះដោយសារទឹកជំនន់ នៅរាត្រីថ្ងៃទី១៥ ខែតុលា ឆ្នាំ២០២០។

ដោយឡែក សម្តេចតេជោនាយករដ្ឋមន្ត្រី ហ៊ុន សែនបានអញ្ជើញចុះជួបជាមួយនឹងបងប្អូនប្រជាពលរដ្ឋ ដែលរងគ្រោះ និងត្រូវបានអាជ្ញាធរបញ្ជូលមកកាន់ទីតាំងសុវត្តិភាពចំនួន២ទីតាំង ដែលទីតាំងទី១នៅក្នុងបុរីភពថ្មីកួរស្រូវ២ និងទីតាំងទី២គឺនៅមុខផ្សារព្រែកជ្រៃ។

ក្រោយពីបានឃើញចុះមកត្រួតពិនិត្យផ្ទាល់បែប ធ្វើឲ្យបងប្អូនជនរងគ្រោះ មានអារម្មណ៍រីករាយនិង សប្បាយចិត្តជាពន់ពេក​ ដោយយើងអាចឃើញអារម្មណ៍រំភើបនេះតាមស្នាមញញឹមរបស់បងប្អូនជនរួមជាតិនៅពេលដែល ថ្នាក់ដឹកនាំបានសម្តែងការយកចិត្តទុកដាក់អស់ពីចិត្តពីថ្លើម ចំពោះប្រជាពលរដ្ឋបែបនេះ ដែលនេះសបញ្ចាក់ថាទីណាមានទុក្ខទីនោះ គឺតែងមានវត្តមានសម្តេចមកជួយសង្គ្រោះជានិច្ច។

ជាងនេះទៅទៀតសម្តេច ក៏បានកោតសរសើរចំពោះអាជ្ញាធរគ្រប់លំដាប់ថ្នាក់គ្រប់រាជធានី ខេត្ត កងកម្លាំងប្រដាប់អាវុធទាំងអស់ ដែលមានចំណាត់ការប្រតិបត្តិការព្រមៗគ្នានិង ទាន់ពេលវេលា ក្រៅពីនេះទៀតសម្តេចក៏បានបន្ថែមប្រសាសន៍ទៀតថាបន្ទាប់ពីជម្លៀសប្រជាជនមកកាន់កន្លែងមានសុវត្ថិភាពហើយ ត្រូវផ្ដល់នូវការថែទាំសុខភាព ផ្ដល់អាហារ ថ្នាំពេទ្យគ្រប់ពេលទាំងអស់ មិនឲ្យខ្វះខាតនោះឡើយដល់ពួកគាត់នោះឡើយ៕

សូមចូលមើលរូបភាពខាងក្រោម៖