កូរ៉េខាងត្បូង ៖ Jimin សមាជិកក្រុម BTS មានតួនាទីជាអ្នកច្រៀង និងជាអ្នករាំជួរមុខ ក្រៅពីនេះ តារាប្រុសរូបនេះ មានទេពកោសល្យសម្ដែង បានយ៉ាងល្អឥតខ្ចោះផងដែរ ដោយលោកតែងតែទទួលបាន ការពោលសរសើរពីសំណាក់ហ្វេនៗ ទូទាំងពីភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ARMYs ស្ទើរសន្លប់ម្ដងៗ ពេលកំពុងទស្សនា ការសម្ដែងរបស់Jimin!
កាលពីថ្ងៃទី ១០ និង ១១ ខែតុលា កន្លងទៅថ្មីៗនេះ ក្រុមហ៊ុន BigHit Entertainment បានរៀបចំការប្រគំតន្រ្តីតាម Online ដែលមានឈ្មោះថា ON:E។
កំឡុងពេលនៃការសម្ដែងទោលរបស់ Jimin ក្នុងបទ Filter បានសម្លាប់បេះដូងបណ្ដាហ្វេនៗអ្នកគាំទ្រ ដោយលោកបានបង្ហាញកាយវិការ ទឹកមុខ យ៉ាងទាក់ទាញ ជាពិសេសគឺការបង្ហាញក្បាច់រាំដ៏ស៊ិចស៊ី ប្រៀបដូចជាថ្នាំសណ្ដំ ធ្វើឲ្យ ARMYs ឈ្លក់វង្វេង ស្រែកស្ទើរបែកបំពង់ក។
ការសម្តែងប្រព្រឹត្តទៅយ៉ាងរលូន លើសពីនេះទៅទៀត មុនពេល Jimin ឡើងសម្ដែងបទ Filter នេះ សមាជិកក្រុម BTS ដទៃទៀត មានដូចជា Jungkook Suga និង V បានបង្ហើបប្រាប់ហ្វេនៗដែរថា ការសម្ដែងរបស់ Jimin លើកនេះ គឺពិតជាមិនធម្មតាឡើយ៕
ចង់ដឹងថា តើការសម្ដែងរបស់ Jimin មានភាពទាក់ទាញ និងពិសេសប៉ុណ្ណានោះ?
តោះមកទស្សនារូបភាព និងវីដេអូដែលហ្វេនៗលួចថតទុក ខាងក្រោមនេះ ៖