សម្រុកគ្នាធ្ងន់ៗតាំងពីទឹក១មក! លន បញ្ញា ឈ្នះពិន្ទុ សូត្រ ខេវិន វគ្គផ្ដាច់ព្រ័ត្រ យកលុយ២៤លានត្រឡប់ទៅផ្ទះ (មានវីដេអូ)

ភ្នំពេញ៖ កូនសិស្សលោកគ្រូ ធន់ សុភា កីឡាករ លន បញ្ញា បានក្លាយជាម្ចាស់ជើងឯក ខ្សែក្រវ៉ាត់កម្ពុជាសង្វៀនគុនខ្មែរ រដូវកាលទី៤ ក្រោយយកឈ្នះអ្នកប្រយុទ្ធមកពីក្លិបបក្សីស្លាបដែក កីឡាករ សូត្រ ខេវិន នៅវគ្គផ្ដាច់ព្រ័ត្រ នាព្រឹកថ្ងៃសៅរ៍ ទី១០ ខែតុលានេះ នៅសង្វៀន CNC។

ជាការពិតណាស់ ការប្រកួតវគ្គផ្ដាច់ព្រ័ត្របែបនេះ កីឡាករទាំងពីរមិនបានលាក់អាវុធនោះទេ ពោលគឺសម្រុកគ្នាខ្លាំងៗ មានទៅមានមក តាំងពីទឹក១ម្ល៉េះ។ យ៉ាងណាមិញ ក្រោយបញ្ចប់៥ទឹក ចៅក្រមទាំង៥រូប បានផ្ដល់ពិន្ទុឈ្នះចាញ់ជាលទ្ធផលឯកច្ឆ័ន ដោយបង្គោលក្រហម លន បញ្ញា ឈ្នះខ្សែក្រវ៉ាត់ អមជាមួយប្រាក់រង្វាន់ ៦ពាន់ដុល្លារ (ឬ២៤លានរៀល)៕

បើចង់ជ្រាបច្បាស់ សូមប្រិយមិត្តទស្សនាវីដេអូខាងក្រោម៖