ភ្នំពេញ៖ ថ្ងៃនេះអង្គការយូណេស្កូ បានចាប់ផ្តើមយុទ្ធនាការបែបសិល្បៈមួយ ដើម្បីលើកកម្ពស់នូវកិច្ចសន្ទនាជាលក្ខណៈអន្តរវប្បធម៌ ការយោគយល់អធ្យាស្រ័យគ្នាទៅវិញទៅមក ដើម្បីជំទាស់នឹងការរើសអើងជនបរទេស ការមាក់ងាយ និងព័ត៌មានមិនពិត ហើយពង្រឹងការរួបរួមក្នុងសង្គម និងការផ្សះផ្សា ដើម្បីជម្នះពេលវេលាដ៏លំបាកក្នុងអំឡុងនៃការរីករាលដាលដោយជំងឺកូវីដ១៩ នៅជុំវិញពិភពលោកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស“បើកបេះដូងអ្នក” ជាយុទ្ធនាការបែបសិល្បៈ ដោយប្រើប្រាស់គំនូរដោយដី ស ជាមធ្យោបាយក្នុងការចាប់ផ្តើមនូវកិច្ចសន្ទនាក្នុងសង្គមកម្ពុជា។ យោងទៅតាមតំណាងរបស់អង្គការយូណេស្កូ លោក Sardar Umar Alam បានលើកឡើងថា៖
អង្គការយូណេស្កូ ក្នុងកិច្ចសហប្រតិបត្តិការជាមួយនឹងក្រុមហ៊ុន ហាវ៉ាស់ សាំប៉ាញ ផ្នែកសូសល ប៊ីស៊ីណេស យូនីត (Social Business Unit) បានសម្រេចជ្រើសរើសសិល្បករជនជាតិខ្មែរ-បារាំងពីស្ទូឌីយោបាសាក់ គឺលោកស្រី អេននី (Annie) និងលោក ថមមី (Thommy) ដើម្បីបង្កើតសិល្បៈគំនូរដី ស នៅមុខការិយាល័យអង្គការយូណេស្កូជាប់ព្រះបរមរាជវាំង។
លោក Thommy បានឱ្យដឹងថា៖
ចំណែកលោក អ៊ុង ដាណិត ជានាយកគ្រប់គ្រងទូទៅនៃក្រុមហ៊ុន ហាវ៉ាស់ សំប៉ាញ បានបញ្ជាក់ថា៖
សិល្បៈនៃគំនូរដោយដី ស នៅលើដីមានអមដោយរូបផ្កា និងពាក្យពេចន៍មួយចំនួនទាំងភាសាខ្មែរ និងអង់គ្លេស រួមទាំងស្លាកសញ្ញាមួយចំនួនផងដែរ។ ពាក្យពេចន៍ដែលយើងជ្រើសយកមក គឺដើម្បីបង្ហាញពីផលវិបាក សកម្មភាព ឬអាកប្បកិរិយាបែបវិជ្ជមាន។ ចំពោះអត្ថន័យនៃរូបផ្កាវិញ គឺយើងចង់បង្ហាញពីភាពផុយស្រួយនៃជីវិត និងការរីកសាយភាយនៃវីរុសនៅក្នុងខ្យល់។ ផ្ទៃជារង្វង់ និងគ្រាប់ពូជផ្កា គឺបង្ហាញពីធាតុសំខាន់ពីរនៃស្លាកសញ្ញារបស់យុទ្ធនាការរបស់យើង ដោយក្នុងនោះមានរូបតំណាងឱ្យបេះដូង ដើម្បីបង្កើតឈ្មោះយុទ្ធនាការ “បើកបេះដូងអ្នក”។ យើងសង្ឃឹមថា ពាក្យពេចន៍សាមញ្ញៗ និងងាយស្រួយ រួមទាំងស្លាកសញ្ញា រូបតំណាង នឹងផ្តល់ភាពងាយស្រួលដល់សហគមន៍ក្នុងការឈ្វេងយល់បន្ថែម និងចូលរួមជាមួយនឹងយុទ្ធនាការនេះ។ ធម្មជាតិរបស់ដី ស គឺងាយនឹងរលុប ដូច្នេះយើងសង្ឃឹមថាផលប៉ះពាល់អវិជ្ជមានចំពោះសង្គម ដែលបណ្តាលមកពីជំងឺកូវីដ១៩ នឹងរសាត់បាត់ទៅនៅចុងបញ្ចប់នៃរដូវវស្សានេះ។
ជាមួយនឹងយុទ្ធនាការបែបសិល្បៈ ដើម្បីពង្រឹងនូវការរួបរួមសង្គម និងការផ្សះផ្សាសហគមន៍ អង្គការយូណេស្កូក្នុងភាពជាដៃគូជាមួយក្រុមហ៊ុន ហាវ៉ាស់ សំប៉ាញ បានបង្កើតនូវយុទ្ធនាការលើប្រព័ន្ធផ្សព្វផ្សាយសង្គម #DontGoViral ដោយក្នុងនោះបានអញ្ជើញសិល្បការិនីកម្ពុជាចំនួន ៤រូប និងក្រុមសិល្បៈដែលកំពុងពេញនិយមចំនួន១ក្រុម ដើម្បីចែករំលែកទៅកាន់សាធារណជនអំពីការកើនឡើងនូវព័ត៌មានមិនពិតជាច្រើននៅលើអ៊ីនធឺណិត ក្នុងអំឡុងពេលកូវីដ១៩នេះ។
តាមរយៈយុទ្ធនាការរបស់អង្គការយូណេស្កូ អ្នកប្រើប្រាស់ប្រព័ន្ធផ្សព្វផ្សាយសង្គមកម្ពុជាជាង ៣០ ម៉ឺននាក់ បានចូលរួមក្នុងការឈ្វេងយល់ពីការទទួលបាននូវព័ត៌មានពិតដែលអាចជឿទុកចិត្តបានទាន់ពេលវេលា ហើយប្រើប្រាស់ និងចែករំលែកព័ត៌មានទាំងនោះប្រកបដោយការពិចារណា។ គំនិតផ្តួចផ្តើមទាំងអស់នេះ គឺជាផ្នែកមួយនៃកិច្ចការដែលអង្គការយូណេស្កូកំពុងធ្វើ ដើម្បីពង្រឹងនូវសេរីភាពនៃការបញ្ចេញមតិ និងប្រព័ន្ធអេកូឡូស៊ីផ្នែកអភិវឌ្ឍន៍ប្រព័ន្ធផ្សព្វផ្សាយក្នុងប្រទេសកម្ពុជា៕