ថៃ៖ បើទោះបីជាបានជាសះស្បើយពីជំងឺ កូវីដ១៩ អស់រយៈពេលជាច្រើនខែមកនេះ តែតារាស្រី Lydia នៅតែមិនមានភាពទុកចិត្តបាន ដោយកាលពីថ្មីៗនេះ នាងក៏បានទៅធ្វើការពិនិត្យសួតសាជាថ្មីម្តងទៀត ដើម្បីពិនិត្យមើលពីការខូចខាតសួតដោយសារតែការឆ្លងជំងឺ ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែអ្វីដែលធ្វើឲ្យមានភាពភ្ញាក់ផ្អើលដល់ហ្វេនៗជាច្រើននោះគឺ លទ្ធផលនៃការពិនិត្យបានសន្និដ្ឋានថា ពោងខ្យល់(Alveoli) ដែលរងរបួសដោយសារជំងឺនោះ គឺមិនទាន់បានជាសះស្បើយនោះទេ ដោយការផ្លាស់ប្តូរអុកស៊ីសែនជាមួយកាបូនឌីអុកស៊ីតនៅក្នុងសួត គឺមានភាពសកម្មតែ ៦០% តែប៉ុណ្ណោះ ដូច្នេះហើយ ត្រូវតែធ្វើការពិនិត្យមើលបន្តទៀត ដើម្បីរកឲយឃើញថា តើអាចនឹងជា ១០០% ដែរទេ។
ក្នុងនោះដែរ Lydia បានបង្ហាញបន្ថែមទៀតថា កាលពីកន្លងទៅនេះ នាងបានសង្កេតមើលខ្លួនឯង អំឡុងពេលរត់ហាត់ប្រាណ គឺមានភាពហត់នឿយខ្លាំង ហើយចង្វាក់បេះដូងជាមធ្យម បានលោតដល់ ១៨០bpm ដូច្នេះហើយ នាងបានយល់ថា រាងកាយរបស់នាង នៅមិនទាន់មានសុខភាពល្អឡើងវិញនោះទេ ខណៈពេលដែលស្វាមីរបស់នាង លោក Matthew បានជាសះស្បើយ ១០០ ភាគរយ ទៅហើយ ។
យ៉ាងណាមិញ បន្ទាប់ពីបានជ្រាបដំណឹងបែបនេះ ក៏មានមនុស្សជាច្រើនចូលមកគាំទ្រ Lydia ហើយក៏បានជូនពរនាង ឲ្យត្រឡប់មកជាសះស្បើយមួយរយភាគរយ យ៉ាងឆាប់រហ័ស ក៏ដូចជាបាន ណែនាំមិនឲ្យនាងធ្វើលំហាត់ប្រាណខ្លាំងពេកនោះដែរ ៕
សូមទស្សនារូបភាពខាងក្រោម៖
Bong I.T