ត្រឹម២ខែសោះ ដេវីត និង ទេព បូព្រឹក្ស ទិញឡានទំនើបបានជាច្រើនគ្រឿង

ភ្នំពេញ៖ គូស្នេហ៍តារាចម្រៀងពូកែរ៉េប លោក ងួន ចាន់ដេវីត និងកញ្ញា ទេព បូព្រឹក្ស ក្រោយចាប់ដៃគ្នាកសាងស្នេហាអស់ ៤ឆ្នាំកន្លងនេះ អ្នកទាំងពីរបានតស៊ូខំប្រឹងធ្វើការងារដោយមិនរុញរាឡើយ ហើយពេលនេះ តារាប្រុសស្រីពីររូបនេះ ក៏បានបើកនៅមុខជំនាញបន្ថែមក្រៅពីអាជីពសិល្បៈផងដែរ ដោយមុខរបរមួយនោះកំពុងជោគជ័យមិនចាញ់ការងារសិល្បៈប៉ុន្មាន បើតាមការសង្កេតឃើញ។ 

ក្នុងនោះដែរ ក្រោយស្វែងយល់ចិត្តគ្នាបានជាច្រើនឆ្នាំ គេសង្កេតឃើញគូស្នេហ៍មួយគូនេះ កាន់តែប្រើជីវិតយ៉ាងហាយសូរ ស៊ីវិល័យតែម្ដង មិនតែប៉ុណ្ណោះ អ្នកទាំងពីរតែងតែចំណាយលុយជាច្រើនទិញនៅរបស់ប្រើប្រាស់មានម៉ាកល្បីៗ និងទិញគ្រឿងពេជ្រប្ដូរម៉ូតជាហូរហែផងដែរ។ លើសពីនេះទៅទៀត ថ្មីៗនេះ  លោក ងួន ចាន់ដេវីត និងកញ្ញា ទេព បូព្រឹក្ស បានបង្ហាញគម្រោងផ្ទះកំពុងសាងសង់ មើលទៅពិតជាធំទូលាយតែម្ដង។ 

ជាក់ស្ដែង មួយរយៈចុងក្រោយនេះតារាប្រុសស្រីមួយគូនេះ តែងតែធ្វើឲ្យទស្សិកជន ដែលនិយមប្រើប្រាស់អ៉ីនធើណែត ភ្ញាក់ផ្អើលនឹងអ្នកទាំងពីរជានិច្ច តាមរយៈការទិញចូលនៅរថយន្តស៊េរីទំនើបដែលមានតម្លៃថ្លៃនោះ។ បើគិតពីរយៈពេលត្រឹមពីរខែមកនេះ  លោក ងួន ចាន់ដេវីត និងកញ្ញា ទេព បូព្រឹក្ស បានទិញឡានរហូតដល់ទៅ ៥គ្រឿង ហើយគ្រប់ឡាននីមួយៗ សុទ្ធសឹងតែជារថយន្តទំនើបកំពុងពេញនិយមផងដែរ។ 

គួរបញ្ជាក់ផងដែរថា គូស្នេហ៍មួយគូនេះ ចាប់តាំងពីបានកសាងស្នេហាជាមួយគ្នាមក តែងតែទទួលបានភាពជោគជ័យជាងមុនទ្វេដង មិនថាជីវិតគូ ការងារសិល្បៈ ឬមុខជំនួញផ្ទាល់ខ្លួននោះទេ ដែលរាល់សម្ភារៈទាំងអស់ដែលពួកគេទិញសុទ្ធតែជាលុយរកបានដោយញើសឈាមខំប្រឹងកន្លងមកផងដែរ៕

សូមទស្សនារូបភាពខាងក្រោម៖