ទីបំផុត! លោក ដូណាល់ ត្រាំ បានត្រលប់ទៅសេតវិមានវិញ តែត្រូវព្យាបាលបន្ដនៅទីនោះ

អាមេរិក៖ នៅថ្ងៃចន្ទ ទី០៥ ខែតុលា (ម៉ោងនៅសហរដ្ឋអាមេរិក) លោក ដូណាល់ ត្រាំ បានត្រលប់ទៅកាន់សេតវិមានវិញ ដើម្បីបន្ដការព្យាបាលជំងឺកូវីដ-១៩នៅទីនោះ ដែលគ្រោងនឹងអនុវត្ដចាប់ពីថ្ងៃអង្គារតទៅ បន្ទាប់ពីប្រធានាធិបតីរូបនេះបានចំណាយពេលបីយប់ ព្យាបាលនៅមជ្ឈមណ្ឌលវេជ្ជសាស្ត្រយោធាជាតិ Walter Reed ។

លោក ត្រាំ ត្រូវគេមើលឃើញថា បានចូលទៅក្នុងសេតវិមានតាមយ៉របន្ទប់ខៀវ ដែលមិនមែនជាច្រកចូលធម្មតានោះទេ។ ប៉ុន្ដែ នៅមុនពេលដែលលោកចូលទៅខាងក្នុង លោកបានឈរនៅយ៉រជាន់ទី២ ហើយភ្លាមៗនោះដែរ លោកស្រាប់តែដោះម៉ាស់ដែលខ្លួនកំពុងពាក់ចេញ និងលើកដៃស្វាគមន៍ដល់មន្រ្ដីក្រោមឳវាទ និងកងកម្លាំងយោធាដែលចាំទទួលលោកនៅខាងក្រោម។

យ៉ាងណាមិញ នៅថ្ងៃដដែលនោះ លោក ត្រាំ បានបង្ហោះសារទៅលើលើបណ្ដាញសង្គម ដោយបានសរសេរថា៖

គួរបញ្ជាក់ថា លោក ដូណាល់ ត្រាំ និងភរិយា ត្រូវបានតេស្ដវិជ្ជមានជំងឺកូវីដ-១៩កាលពីថ្ងៃសុក្រសប្ដាហ៍មុននេះ តែជាងមួយខែប៉ុណ្ណោះ មុនការបោះឆ្នោតប្រធានាធិបតី នៅថ្ងៃទី០៣ ខែវិចិ្ឆកាខិតចូលមកដល់៕

សូមទស្សនារូបភាព និងវីដេអូខាងក្រោម៖