ភ្នំពេញ៖ មានមិត្តអ្នកគាំទ្រមិនតិចទេ ដែលតែងតែមានការងឿងឆ្ងល់ថា តើហេតុអ្វីក៏មួយរយៈក្រោយនេះ តារាចម្រៀងសំនៀងលួងលោម ម៉ម វាសនា ហៅ វីរៈសិទ្ធ ពុំដែលចេញបទចម្រៀងថ្មីនៅក្នុងផលិតកម្មរស្មីហង្សមាសដូចកាលពីមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែការងឿងឆ្ងល់នេះ ក៏បានប្រែក្លាយទៅជារឿងមួយដ៏ភ្ញាក់ផ្អើលទៅវិញសម្រាប់បណ្តាអ្នកគាំទ្រលោក ដោយសារតែថ្មីៗនេះ ក្រុមហ៊ុនហង្សមាសបានបញ្ចេញនូវរូបភាពមួយសន្លឹកទៅលើ Facebook ដែលបញ្ជាក់ពីវត្តមានរបស់លោក ដួង វីរៈសិទ្ធ ដើរតួក្នុងរឿងភាគថ្មីសម្តែងជាកម្លោះ IT ដែលមានអត្តចរិតសុភាពរាបសា ប៉ះនឹងម្តាយក្មេកកំពូលរិះដែលសម្តែងដោយ កញ្ញា ឌី សូនីតា ដែលរឿងភាគបែបកំប្លែងមួយនេះនឹងមានចាក់បញ្ចាំងក្នុងពេលឆាប់ៗខាងមុខនេះហើយ បើយោងទៅតាមការបញ្ជាក់របស់ Page ក្រុមហ៊ុនហង្សមាស។
យ៉ាងណាមិញ គេនៅពុំទាន់ដឹងទេថា ក្រោយពីបញ្ចប់ការថតរឿងភាគមួយនេះរួច តើអតីតម្ចាស់ពាន I am a Singer រដូវកាលទី១ រូបនេះ នឹងងាកទៅរកការផលិតបទចម្រៀងសម្រាប់ច្រៀងជូនមិត្តអ្នកគាំទ្ររបស់លោកសារជាថ្មី ឬក៏នៅតែបន្តការងារផ្នែកសម្តែងបន្ថែមនោះទេ ត្បិតកន្លងមក សង្កេតឃើញថាតារាចម្រៀងក្នុងទ្រនំហង្សមាសមួយចំនួន បានចាប់យកនូវឱកាសថតរឿងភាគជាបន្តបន្ទាប់រហូតដល់ថ្នាក់ដកឃ្លាពីការចេញចម្រៀងថ្មីៗទៀតផង៕
សូមទស្សនារូបភាពខាងក្រោម៖