ភ្នំពេញ​៖ ធនាគារ ព្រីនស៍ បានដាក់សម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា ដើម្បីបង្កើននូវបទពិសោធន៍នៃការទូទាត់របស់អតិថិជន ក៏ដូចជា ត្រួសត្រាយផ្លូវក្នុងការឆ្ពោះទៅកាន់អនាគតនៃការទូទាត់ ដោយមិនប្រើសាច់ប្រាក់។

ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

ប័ណ្ណម៉ាស្ទ័រកាត និងវីសារបស់ធនាគារ ព្រីនស៍ មានចំនួន​ ៨ ប្រភេទ ដូចជា ប័ណ្ណឥណពន្ធ/ ឥណទានម៉ាស្ទ័រកាត Standard ប័ណ្ណឥណពន្ធ/ ឥណទានម៉ាស្ទ័រកាត Platinum ប័ណ្ណឥណពន្ធ/ ឥណទានវីសា Classic និងប័ណ្ណឥណពន្ធ/ ឥណទានវីសា Platinum ដែលឆ្លើយតបទៅនឹងតម្រូវការឌីជីថលរបស់អតិថិជន ដែលកំពុងវិវត្តឥតឈប់ឈរ។

កម្មវិធីនេះ ​​ប្រព្រឹត្តិទៅនៅសណ្ឋាគារ សូហ្វីតែល ភ្នំពេញ ភូគីត្រា ដែលមានការចូលរួមពីសំណាក់គណៈគ្រប់គ្រងរបស់ធនាគារ ព្រីនស៍ តំណាងអញ្ជើញមកពីក្រុមហ៊ុនម៉ាស្ទ័រកាត និងវីសា ព្រមទាំងភ្ញៀវកិត្តិយសជាច្រើននាក់។ 

ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

ដោយសារមានការរាតត្បាតពីជំងឺកូវីដ១៩ ក៏ដូចជាដើម្បីរក្សាគម្លាតសង្គម ធនាគារ ព្រីនស៍ បានសម្រេចដាក់សម្ពោធឱ្យប្រើប្រាស់ជាផ្លូវការនូវប័ណ្ណម៉ាស្ទ័រកាត និងវីសា ដោយការមិនគិតថ្លៃសេវាប្រចាំឆ្នាំ សម្រាប់អតិថិជនរបស់ខ្លួន តាមរយៈប្រព័ន្ធឌីជីថលម្តងរួចមកហើយ កាលពីក្នុងអំឡុងត្រីមាសទី១។ តាមរយៈភាពជាដៃគូជាមួយម៉ាស្ទ័រកាត និងវីសា  នឹងជួយបំពេញផែនការរបស់ធនាគារ ព្រីនស៍ ក្នុងការពង្រីកនូវការផ្តល់ជូនផលិតផលដល់អតិថិជនបច្ចុប្បន្ន  ស្របពេលដែលធនាគារ​ក៏មានគោលបំណងទាក់ទាញអតិថិជនថ្មីៗ ដែលមានសក្តានុពលផងដែរ។

ជាមួយនឹងបទពិសោធន៍ជាច្រើនទសវត្ស និងក្នុងនាមជាអ្នកដឹកនាំ ក្នុងការទូទាត់តាមប្រព័ន្ធឌីជីថល ម៉ាស្ទ័រកាត និងវីសា ត្រូវបានទទួលស្គាល់ជាអន្តរជាតិ នៅតាមហាងទំនិញ និងពាណិជ្ជកររាប់លាននាក់នៅទូទាំងពិភពលោក  ដែលក្នុងនោះអតិថិជនអាចធ្វើការទូទាត់ប្រាក់បានយ៉ាងងាយស្រួល ក្នុងកំឡុងពេលធ្វើដំណើររបស់គេ។

បន្ថែមពីលើភាពងាយស្រួល ម្ចាស់ប័ណ្ណក៏អាចរីករាយជាមួយនឹងការទូទាត់ដោយមានភាពជឿជាក់ លើមុខងារសុវត្ថិភាព Contactless ដែលបានបង្កប់ដោយបច្ចេកវិទ្យាទំនើប អនុញ្ញាតឱ្យការបញ្ជាទិញប្រចាំថ្ងៃមានភាពរហ័ស  និងសុវត្ថិភាព ដោយគ្រាន់តែធ្វើការប៉ះដើម្បីទូទាត់ នៅតាមបណ្តាហាងដែលមាននិមិត្តសញ្ញា Contactless ។ ម្ចាស់ប័ណ្ណក៏អាចទទួលបាននូវឯកសិទ្ធិពិសេស ដូចជាការផ្តល់ជូនពិសេសពីដៃគូសហការរបស់ធនាគារ ព្រីនស៍ នៅក្នុងប្រទេសកម្ពុជាផងដែរ។

ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

លោក ហ៊ន់ សុរចនា ប្រធាននាយកប្រតិបត្តិនៃធនាគារ ព្រីនស៍ បានមានប្រសាសន៍ថា៖

ប្រសាសន៍លោក ហ៊ន់ សុរចនា 
ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

ធនាគារ ព្រីនស៍ មានគោលបំណងបង្កើនបណ្តាញទូទាត់ ដើម្បីជួយសម្រួលដល់ការប្រើប្រាស់  ប័ណ្ណឥណពន្ធ / ឥណទានសម្រាប់ការទិញទំនិញ តាមរយៈការសហការជាមួយដៃគូជាសកលដូចជា ម៉ាស្ទ័រកាត និងវីសានេះផងដែរ។ លើសពីនេះ អតិថិជនអាចប្រើប្រាស់ប័ណ្ណរបស់ពួកគេ ដើម្បីទូទាត់លើថ្លៃទំនិញ និងសេវាកម្ម ជាងរាប់ពាន់កន្លែងនៅទូទាំងប្រទេស ហើយប្រមាណជាង ៤៦លានកន្លែងនៅទូទាំងពិភពលោក ដែលមានស្លាកសញ្ញាម៉ាស្ទ័រកាត និងវីសា។

ធនាគារ ព្រីនស៍ មានសេចក្តីសោមនស្សរីករាយណាស់ ក្នុងការសហការជាមួយម៉ាស្ទ័រកាត និងវីសា ក្នុងការផ្តល់នូវការទូទាត់គ្មានសាច់ប្រាក់ ដែលស្របទៅនឹងគោលដៅរបស់យើងក្នុងការក្លាយជា​ “ធនាគារឌីជីថលដែលមានការរីកចម្រើនលឿនបំផុតនៅក្នុងប្រទេសកម្ពុជា”

នៅក្នុងនោះផងដែរ ធនាគារក៏បានដាក់ចេញនូវកម្មវិធីផ្តល់ជូនពិសេសចំនួន២ ទៅម្ចាស់ប័ណ្ណ គឺការបញ្ចុះតម្លៃរហូតដល់៥០%រៀងរាល់ថ្ងៃ លើសំបុត្រកុនប្រភេទ 2D/3D/VIP នៅរោងភាពយន្ត Major Cineplex និងការទទួលបានប្រាក់ត្រឡប់ដោយការទូទាត់តាមរយៈប័ណ្ណម៉ាស្ទ័រកាត​។

ការផ្តល់ជូននូវការបញ្ចុះតម្លៃរហូតដល់៥០% លើគ្រប់សំបុត្រកុនប្រភេទ 2D / 3D / VIP នៅរោងភាពយន្ត Major Cineplex  គ្រប់សាខានេះ អនុវត្តចំពោះប័ណ្ណម៉ាស្ទ័រកាត និងវីសាគ្រប់ប្រភេទដោយគ្រាន់តែធ្វើការទូទាត់តាមរយៈប័ណ្ណទាំងនេះ។ 

ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

ចំណែកឯកម្មវិធីទទួលបានប្រាក់ត្រឡប់ ដោយការទូទាត់តាមរយៈប័ណ្ណម៉ាស្ទ័រកាត​ គឺជាកម្មវិធីពិសេសមួយ ដែលអនុញ្ញាតឱ្យម្ចាស់ប័ណ្ណម៉ាស្ទ័រកាតគ្រប់ប្រភេទ អាចទទួលបានប្រាក់ត្រឡប់១ដុល្លារ លើរាល់ការចំណាយចាប់ពី១០ដុល្លារ ឬច្រើនជាងនេះ ក្នុងមួយវិក្កយបត្រ ហើយអាចទូទាត់តាមរយៈ ម៉ាស៊ីនឆូតកាត ឬតាមប្រព័ន្ធ E-commerce។ ប្រាក់ត្រឡប់នេះផងដែរ នឹងត្រូវធ្វើការបញ្ចូលទៅក្នុងគណនីរបស់អតិថិជននៅរៀងរាល់សប្តាហ៍ទី១នៃខែបន្ទាប់។ 

លោក ហ៊ន់​ សុរចនា បានបន្ថែមទៀតថា៖

ប្រសាសន៍លោក ហ៊ន់​ សុរចនា 

សម្រាប់ការស្នើប័ណ្ណឥណទាន/ឥណពន្ធ ម៉ាស្ទ័រកាត និងវីសា អតិថិជនអាចធ្វើការស្នើតាមរយៈសាខាធនាគារ ព្រីនស៍ណាមួយដែលនៅជិតលោកអ្នក ឬតាមរយៈ  Prince Bank App ដែលមាននៅលើ App Store និង Play Store។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់យើង ៖ www.princebank.com ឬទាក់ទងមកកាន់លេខ 1800-20-8888 (មិនគិតថ្លៃ)៕ 

ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍
ពិធីសម្ពោធឱ្យប្រើប្រាស់ជាផ្លូវការ នូវប័ណ្ណម៉ាស្ទ័រកាត និងវីសា របស់ធនាគារ ព្រីនស៍

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]