ភ្នំពេញ៖ បើទោះបីជាសព្វថ្ងៃនេះ មេរោគកូវីដ-១៩ មិនទាន់ត្រូវបានរលត់បាត់ទាំងស្រុងក្តី ប៉ុន្តែវាមិនមែនជាបញ្ហាដែលបង្អាក់នូវការងារសិល្បៈរបស់តារាសម្តែងប្រុសសាច់សខ្ចី ខាត់ វ៉ៃហាំង ឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈរូបភាពពីសកម្មភាពថ្មីៗក្នុងបណ្តាញសង្គមរបស់ អតីត Freshie Boy ឆ្នាំ២០១០ រូបនេះ អាចបញ្ជាក់ឱ្យដឹងថា វ៉ៃហាំង នៅតែទទួលបានការងារផ្នែកសម្តែងភាពយន្ត និងថតស្ពតតំណាងផលិតផលល្បីៗផ្សេងៗជាបន្តបន្ទាប់សឹងតែរកពេលសម្រាកគ្មាន។
បើងាកទៅមើលពីសន្ទុះនៃការគាំទ្រវិញ លោក ខាត់ វ៉ៃហាំង គឺជាតារាសម្តែងប្រុសម្នាក់ដែលតែងតែមានហ្វេនតាមទៅគាំទ្រផ្ទាល់ផ្តល់ជាកម្លាំងចិត្តសឹងតែគ្រប់កម្មវិធីដែលលោកធ្វើនៅខាងក្រៅ។
ជាក់ស្តែងតាមរយៈ Event មួយដែលទើបនឹងបញ្ចប់កាលពីពេលថ្មីៗនេះនៅឯផ្សារ Aeon Mall សង្កេតឃើញថា មានមិត្តយុវវ័យជាច្រើនបានលើកផ្លាកដែលមានឈ្មោះរបស់ វ៉ៃហាំង ស្រែកហ៊ោគាំទ្ររូបលោកយ៉ាងពេញទំហឹងនៅនឹងមុខឆាកផ្ទាល់ ដែលធ្វើឱ្យកំលោះសង្ហាវ័យ ៣១ឆ្នាំរូបនេះ ញញឹមបិទមាត់មិនជិតឡើយក្រោយពីទទួលបានការគាំទ្រដ៏ច្រើនយ៉ាងដូច្នេះ៕
បើចង់ជ្រាប់ច្បាស់ សូមទស្សនារូបភាពខាងក្រោម៖