ស្នេហា៖ អាស្រ័យលើបរិបទ ដែលអ្នកកំពុងតែរស់នៅ ដូច្នេះប្រសិនបើសួរថា តើវាខុសទេដែល មនុស្សស្រីរស់នៅ ជាមួយមិត្តប្រុស មុនពេលរៀបការ? ជាការប្រសើរប្រសិនបើអ្នក និងដៃគូរត្រៀមខ្លួនច្បាស់លាស់ថា នឹងរៀបការជាមួយគ្នា ដូច្នេះអ្នកអាចធ្វើបែបនេះបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវាជាជំហានបន្ទាប់មួយ ក្នុងទំនាក់ទំនងដែលអ្នក និងដៃគូគួរតែមាន នៅការពិភាក្សាគ្នាឲ្យបានហ្មត់ចត់ មុនពេលធ្វើការសម្រេចចិត្ត ព្រោះការដែលផ្លាស់ប្តូរ ទៅរស់នៅជាមួយគ្នានឹង បន្ថែមនៅទំនួលខុសត្រូវ កាន់តែច្រើន។ ស្របពេលដែល ការសិក្សាខ្លះ បានបង្ហាញឲ្យឃើញថា ការដែលរស់នៅជាមួយគ្នា មុនពេលរៀបការនេះ ក៏បានបង្កើនឱកាសនៃ ការលែងលះកាន់តែឆាប់ រីឯការលើកឡើងខ្លះទៀត ក៏បានបង្ហាញថា ការរស់នៅជាមួយគ្នា ពិតជាអាចផ្តល់នៅអត្ថប្រយោជន៍ ក្នុងរយៈពេលវែងបាន។
មិនមែនមនុស្សគ្រប់គ្នា ដែលផ្លាស់ប្តូរទៅ រស់នៅជាមួយគ្នា ព្រោះតែពួកគេចង់រៀបការនោះទេ ការពិតមានមនុស្សភាគច្រើន គឺពួកគេគ្មានគំនិត ចង់រៀបការនោះទេ។ ដូច្នេះមុនពេលដែល អ្នកសម្រេចចិត្តទៅរស់នៅ ជាមួយដៃគូយ៉ាងហោចណាស់ អ្នកគួរតែបានគិតពីចំណុចល្អ និងចំណុចអាក្រក់ មុនពេលដែល អ្នកធ្វើការសម្រេចចិត្ត។
*ចំណុចល្អ
១. រៀនពីទម្លាប់គ្នាទៅវិញទៅមក
មូលហេតុចម្បងមួយ ដែលគូរស្នេហ៍ភាគច្រើន សម្រេចចិត្តផ្លាស់ប្តូរ ទៅរស់នៅជាមួយគ្នា មុនពេលរៀបការនោះគឺ ពួកគេចង់ស្វែងយល់ ឲ្យកាន់តែច្បាស់ពីទម្លាប់ និងអត្តចរិតបស់ដៃគូរ ល្អឬអាក្រក់។ វាក៏ជារឿងល្អមួយ ដែលដឹងអំពីទម្លាប់ដៃគូ មុនពេលសម្រេចចិត្តរៀបការ ធ្វើជាប្តីប្រពន្ធនឹងគ្នា។ ព្រោះថាប្រសិនបើយើង ឃើញថាអត្តចរិតឬ ទម្លាប់ដៃគូរមិនល្អ យើងអាចធ្វើការកែតម្រូវគ្នា តែបើនៅតែមិនអាចសម្របខ្លួនបានទេ ចែកផ្លូវគ្នារស់នៅរៀងៗខ្លួន ដោយមិនចាំបាច់ត្រូវ ដោះស្រាយតាម ផ្លូវច្បាប់វែងឆ្ងាយ ដូចការដែលយើង រៀបការហើយនោះទេ។
២. វាអាចបង្កើតឬបំបែកទំនាក់ទំនង
ការដែលផ្លាស់ប្តូរ ទៅរស់នៅជាមួយគ្នា អាចជួយឲ្យអ្នកកំណត់ថា អ្នកបានត្រៀមខ្លួនរួចរាល់ហើយឬនៅ ក្នុងការបន្តដំណើរដ៏វែងឆ្ងាយ ទៅមុខទៀតជាមួយ ដៃគូររបស់អ្នក។ ហើយក៏ជាពេលដែល អ្នកអាចយល់ច្បាស់ពី ចិត្តរបស់អ្នកថា តើនាង/គាត់គឺពិតជាមនុស្សដែល អ្នកចង់ចំណាយពេល មួយជីវិតជាមួយមែនដែរឬទេ?
៣. បង្ហាញអ្នកថាជីវិតរៀបការគឺបែបនេះ
អំឡុងពេលដែល អ្នកមិនដែលបាន ធ្វើការទាក់ទងជាមួយអ្នកណាម្នាក់ រហូតដល់អ្នករៀបការ។ នោះការរស់នៅជាមួយគ្នា ពិតជាគំនិតល្អ ដែលអាចឲ្យអ្នកបានយល់ពីអារម្មណ៍ ទំនួលខុសត្រូវផ្សេងៗដែល អ្នកត្រូវទទួលរ៉ាប់រង មុនពេលដែលអ្នករៀបការ ហើយផងដែរ។ នោះអ្នកនឹងអាចបាន ត្រៀមខ្លួនបានច្រើន ជាជាងការដែលគ្មានបទពិសោធន៍សោះ វានឹងធ្វើឲ្យចំណងអាពាហ៍ពិពាហ៍អ្នក ជួបនៅការលំបាក ខ្វែងគំនិតគ្នាច្រើនជាដើម។
៤. អ្នកត្រូវបែងចែកការងារ
ការបែងចែកការងារក្នុងផ្ទះគឺ ជាទំនួលខុសត្រូវមួយ ដែលគូរស្នេហ៍ ត្រូវមានជំនាញក្នុងការដោះស្រាយ។ វាក៏ជួយឲ្យអ្នកមានគំនិតនិង ការយល់ឃើញមុនពេល ដែលអ្នករៀបការ។ ប្រសិនបើអ្នកទាំងពីរ សុទ្ធតែត្រូវចេញ ទៅធ្វើការនៅខាងក្រៅ ប៉ុន្តែហេតុអ្វីមនុស្សប្រុសមួយចំនួន នៅតែទម្លាក់បន្ទុកការងារ ក្នុងផ្ទះទាំងអស់មកលើប្រពន្ធដដែរ? ក្នុងពេលដំបូង ប្រហែលមិនជាបញ្ហានោះទេ តែយូរៗទៅថ្ងៃណាមួយ វាអាចនឹងកើតឡើងទៅជាបញ្ហា ដូច្នេះអ្នកទាំងពីរ គួរតែចែកកិច្ចការគ្នាធ្វើ ហើយរៀនទម្លាប់ពីគ្នាឲ្យហើយ មុនពេលរៀបការ ទើបជាការល្អ។
*ចំណុចមិនល្អ
១. មិនចង់រៀបការ
យោងតាមការសិក្សា បានបង្ហាញថា មានមនុស្សត្រឹមតែ ៥០ភាគរយប៉ុណ្ណោះនៃ អ្នកដែលផ្លាស់ប្តូរទៅរស់នៅជាមួយគ្នា ដែលចុងក្រោយពួកគេ សម្រេចចិត្តរៀបការ។ ការដែលមនុស្ស២នាក់ បានរស់នៅជាមួយគ្នាហើយ នោះពួកគេនឹងយល់ថា ការរៀបការលែងជា បញ្ហាសំខាន់ ព្រោះថាបច្ចុប្បន្នពួកគេ បានរស់នៅជាមួយគ្នាទៅហើយ ហេតុអ្វីត្រូវរៀបការទៀត?
២. អ្នកខកខានអារម្មណ៍នៃការរៀបការដំបូង
ដោយសារតែអ្នកបានរស់នៅ ជាមួយគ្នាមុនការរៀបការមកដល់ ដូច្នេះបើទោះបីជា អ្នករៀបការក៏ដោយ ក៏វាហាក់ជារឿងធម្មតាមួយ ទៅហើយក្នុងអារម្មណ៍ ព្រោះអ្នកបានស្គាល់ពីគ្នាច្រើន និងរស់នៅជាមួយគ្នា ដូចជាប្តីប្រពន្ធរួចទៅហើយ។ ដូច្នេះអ្នកពិតជា មិនធ្លាប់ទទួលបាននូវ អារម្មណ៍ដែលទើបតែ រៀបការហើយនោះទេ។
៣. គ្មានការប្តេជ្ញាចិត្តពិតប្រាកដ
ប្រសិនបើអ្នកចង់ឲ្យជីវិតគូរអ្នក អាចបន្តរស់នៅជាមួយគ្នា បានយូរអង្វែងនោះ ការដែលរស់នៅជាមួយគ្នា មុនពេលរៀបការ ប្រហែលជា មិនមែនជាគំនិតល្អបំផុតទេ។ គូរស្នេហ៍ដែលរស់នៅជាមួយគ្នា មុនពេលរៀបការមួយចំនួន ប្តេជ្ញាចិត្តថាពួកគេនឹង ធ្វើឲ្យជីវិតរបស់ពួកគេ កាន់តែល្អ នៅពេលដែលរៀបការហើយ តែផ្ទុយទៅវិញ ការធ្វើឲ្យបានល្អ ក្នុងចំណងអាពាហ៍ពិពាហ៍ បើប្រៀបធៀបនឹងអ្នកដែលទើបតែ រស់នៅជាមួយគ្នាគឺ មិនដូចគ្នានោះទេ។
សរុបសេចក្ដីមក យើងមិនអាចសន្និដ្ឋានថា ការដែលរស់នៅជាមួយគ្នា មុនរៀបការគឺជារឿងខុសនោះទេ ព្រោះនេះជាសិទ្ធិបុគ្គល ហើយវាក៏ពាក់ព័ន្ធដល់ អនាគតរបស់មនុស្ស២នាក់ ដូច្នេះសិទ្ធិសម្រេចចិត្ត ទុកឲ្យសាមីខ្លួន ជាអ្នកសម្រេច។ តែបើនិយាយពីប្រពៃណី ប្រសិនបើប្រទេសអ្នក ជាប្រទេសដែល ប្រកាន់ភ្ជាប់នៅប្រពៃណី អាចថាការដែលធ្វើបែបនេះ គឺពិតជាមាននៅការឆ្គាំឆ្គង ពីប្រពៃណីបន្តិចមែន៕
ប្រភព៖ Lifestyle , relationship rules