អង់គ្លេស៖ អតីតអ្នកបម្រើការលើយន្ដហោះម្នាក់ ត្រូវបានតុលាការកាត់ទោសឲ្យជាប់ពន្ធនាគាររយៈពេល២៨ខែ ពីបទជួញដូរគ្រឿងញៀន បន្ទាប់ពីនាងបាត់បង់ការងារដោយសារតែវិបត្ដិកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពព័ត៌មានបានឲ្យដឹងថា ជនជាប់ចោទឈ្មោះ Alexandra Dobre បានផ្លាស់ពីប្រទេសរូម៉ានីមកកាន់ចក្រភពអង់គ្លេសកាលពី៣ឆ្នាំមុន ដើម្បីបម្រើការជាអូតេសនៅក្រុមហ៊ុនអាកាសចរណ៍មួយ ដែលមានមូលដ្ឋានក្នុងទីក្រុងឡុងដ៍។ តែនាងត្រូវបានក្រុមហ៊ុនបញ្ឈប់ពីការងារ ចាប់តាំងពីជំងឺកូវីដ-១៩ រាតត្បាតខ្លាំង ដែលបណ្ដាលឲ្យជើងហោះហើរផ្អាកដំណើរការ។
ក្រោយមក នាង Dobre បានផ្លាស់ទីលំនៅមកកាន់ទីក្រុង Stoke-on-Trent ជាទីកន្លែងដែលនាងបានជួបនឹងបុរសម្នាក់ តាមរយៈកម្មវិធីណាត់ជួបលើទូរសព្ទដៃ ហើយបានលូងលោមនាងឲ្យធ្វើជាអ្នកចែកចាយ និងរក្សាទុកសារធាតុញៀនកូកាអុីន ដើម្បីជាថ្នូរនឹងការកាត់បន្ថយថ្លៃផ្ទះជួល បន្ទាប់ពីនាងបាត់បង់ការងារតាំងពីនិទាឃរដូវក្នុងឆ្នាំនេះ។
យ៉ាងណាមិញ បើយោងតាមកាសែត Sentinel បានរាយការណ៍ថា នារីវ័យ ២៧ឆ្នាំរូបនេះ ត្រូវប៉ូលិសឃាត់ខ្លួននៅថ្ងៃទី៧ ខែសីហា ឆ្នាំ២០២០ ដោយដកហូតបានថ្នាំញៀន ៦កញ្ចប់ពីក្នុងកាបូប ហើយមន្ដ្រីជំនាញបានបន្ដឆែកឆេរផ្ទះជួល និងរកឃើញម្សៅក្រាមពណ៌សចំនួន ៨១កញ្ចប់ទៀត ក្នុងបន្ទប់គេងរបស់នាង។
សារធាតុញៀនដែលរឹបអូសបានមានទម្ងន់សរុប ១៩.៥ក្រាម និងត្រូវគេប៉ាន់ស្មានថាមានតម្លៃចន្លោះពី ១,៧៤០ ដល់ ២,៦១០ផោន (ឬប្រហែលចន្លោះពី ២,២០០ ដល់ ៣,៣០០ដុល្លារអាមេរិក)៕
សូមទស្សនារូបភាពខាងក្រោម៖