កូរ៉េខាងត្បូង៖ កាលពីប៉ុន្មានម៉ោងមុននេះបន្តិច ក្រុមតារាចម្រៀងស្រីដ៏ល្បី BLACKPINK ទើបតែបានទម្លាក់វីដេអូបង្ហាញពីឈុតឆាកខ្លីៗ ក្នុងបទចម្រៀងថ្មីមួយបទទៀតរបស់ពួកគេ ហើយបទថ្មីនេះ មានចំណងជើងថា LOVESICK GIRLS ដែលនឹងត្រូវចេញផ្សាយពេញលេញជាផ្លូវការ នៅថ្ងៃទី ២​ ខែតុលា ខាងមុខនេះហើយ។

ជាមួយគ្នានេះ ក្នុងវីដេអូបង្ហាញពីឈុតឆាកខ្លីៗនោះទៀតសោត យើងសង្កេតឃើញថា លើកនេះខាងក្រុមហ៊ុនបានដាក់ Concept ថ្មីប្លែកជាងរាល់ដង ដោយបានផ្លាស់ប្តូរស្ទាយ៍លេងខ្លួន និងការសម្ដែងរបស់សមាជិកទាំងបួន ពីបែបខ្យូតៗ គួរឲ្យស្រលាញ់ មកជានារីដែលមានទឹកមុខស្មើៗ តែបង្កប់ដោយភាពរឹងមាំ មើលទៅពិតជាទាក់ទាញចំណាប់អារម្មណ៍ពីហ្វេនៗទាំងឡាយច្រើនមិនស្ទើរនោះទេ។

យ៉ាងណាមិញ តាមរយៈវីដេអូខ្លីៗ ដែលក្រុមតារាចម្រៀងនេះ បានបង្ហោះនៅលើយូធូបផ្លូវការ ទោះបីមើលទៅបទនេះ សមាជិកម្នាក់ៗ សម្ដែងទឹកមុខ ហាក់ដូចជាដាក់អារម្មណ៍មនោសញ្ចេតនាឈឺចាប់បន្តិចមែន ប៉ុន្តែអ្នកគាំទ្រ ពិតជាពេញចិត្តជាមួយនឹង Concept ថ្មីមួយនេះច្រើន ពិសេសនោះ ពួកគេកាន់តែអន្ទះសា ក្នុងការទន្ទឹងរង់ចាំសម្រាប់វីដេអូពេញនៃបទនេះ ហើយគេក៏រំពឹងថា នឹងមានការគាំទ្រច្រើនដូចបទចម្រៀងមុនៗផងដែរ៕

ទស្សនារូបភាពនិងវីដេអូខាងក្រោម ៖

BLACKPINK
                         Tittle Poster របស់ BLACKPINK                               
រូបភាពពីក្នុងវីដេអូ
រូបភាពពីក្នុងវីដេអូ
រូបភាពពីក្នុងវីដេអូ
វីដេអូបង្ហាញពីឈុតខ្លីៗ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ