បរទេស៖ ក្រោយពីរាប់អានដូចបងប្អូនបង្កើតអស់រយៈពេលជិត២០ឆ្នាំ រួចមកថ្មីៗនេះតារាចម្រៀង Demi Lovato បាននិយាយថាខ្លួននិង Selena Gomez មិនមែនជាមិត្តភក្តិនឹងគ្នានោះទេ ហើយក៏មិនដែលមានជម្លោះនឹងគ្នាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មិត្តភក្តិរាប់អានគ្នាតាំងពីវ័យក្មេងពីរដួងនេះ ស្រលាញ់និង រាប់អានស្អិតរមួតដូចបងប្អូនបង្កើតអញ្ចឹង ដោយប្រើប្រាស់រយៈពេលអស់១៨ឆ្នាំ ប៉ុន្តែចុងក្រោយអ្នកទាំងពីរក៏ក្លាយទៅជា មនុស្សដែលនិយាយថាមិនបានស្គាល់គ្នាទៅវិញ។
ដោយឡែក ទំនាក់ Demi Lovatoនិង Selena Gomez បានដើររលូនរហូតដល់ពេលបញ្ចប់ទៅស្ងាត់សូន្យឈឹងដោយមិនដឹងពីមូលហេតុច្បាស់លាស់អំពីដើមចម ដែលបណ្តាលឲ្យមានរឿងបែបនេះកើតឡើងនោះ ដោយបន្សល់ទុកអនុស្សាវរីយ៍ច្រើនរាប់មិនអស់ដូចជា៖
១.ឆ្នាំ២០០២ Demi Lovatoនិង Selena Gomez បានក្លាយជាមិត្តភក្តិក្រោយពេលសម្តែងក្នុងភាពយន្ត Barney And Friends ជាមួយគ្នា
នេះជាលើកដំបូងដែល តារាទាំងពីរនេះ ចាប់ផ្តើមស្គាល់គ្នានិង រាប់អានគ្នាជាមិត្តភក្តិ ក្រោយពីបានសម្តែងរឿងជាមួយគ្នាផងដែរ។
២. បន្ទាប់មកក្នុងឆ្នាំ ២០០៨មិត្តភាពក៏កាន់តែជិតស្និទ្ធ ដោយពួកគេបានថតវីដេអូចូលក្នុងគេហទំព័រយ៉ូធូបជាមួយគ្នាជាលើកដំបូង
នៅពេលនោះ ពួកគេក៏កាន់តែជិតស្និទ្ធខ្លាំង ដោយបាននិយាយដោយបើកចំហរថា ពួកគេគឺជាមិត្តដ៏ល្អជាមួយគ្នា តាំងពីពួកគេមានអាយុ ៧ឆ្នាំទៀតផង។
៣.ខែ ឧសភាឆ្នាំ២០០៩ ពួកគេបានចាប់ដៃគ្នាថតភាពយន្ត Princess Protection Program
ភាពយន្តមួយនេះចាប់ផ្តើមថតឡើង Demi Lovato គឺជាតួអង្គ Rosalinda ចំណែក Selena Gomez ដើរតួសម្តែងជាតួអង្គ Carter ផងដែរ។
៤. ខែ កក្កដា តារាទាំងពីរដួងបាននិយាយថា ពួកគេបានចូលរួចធ្វើអ្វីទាំងអស់ជាមួយគ្នា
នៅក្នុងការសម្ភាសជាមួយអ្នកកាសែត Selena Gomez បាននិយាយថា ពួកគេបានចូលរួមធ្វើការនិង ការកម្សាន្តជាមួយគ្នា ប៉ុន្តែគ្រាន់តែពេលខ្លះយើងនៅផ្ទះរៀងខ្លួនតែប៉ុណ្ណោះ។
៥. ខែមករា ឆ្នាំ ២០១០ មានអ្នកគាំទ្រម្នាក់សួរទៅកាន់ Demi Lovato អំពីសុខទុករបស់ Selena Gomez នាងក៏បានឆ្លើយថា អាចសួរ Taylor Swift បាន
ក្នុងកំពុងពេលសម្តែងនៅទីក្រុងឡុនដុន មានអ្នកគាំទ្រម្នាក់បានសួរសួរទៅកាន់ Demi Lovato អំពីស្ថានភាពរបស់ Selena Gomez ដោយនៅពេលនោះ តារាមួយដួងនេះបានឆ្លើយចម្លើយយ៉ាងខ្លីដោយឲ្យអ្នកគាំទ្រទៅសួរ Taylor Swift ជំនួសវិញទៅ ដោយសារតែពេល Demi lovatoនិង Selena Gomez មិនសូវបាននៅជិតគ្នាប៉ុន្មានទេ។
៦.ឆ្នាំ២០១៣ Demi Lovato និយាយថា ខ្លួននិង Selena Gomez មិនបាននិយាយគ្នារាល់ថ្ងៃទេ ប៉ុន្តែទំនាក់ទំនងនៅតែល្អនឹងគ្នាដដែល
Demi Lovato និយាយថាចង់ក្លាយជាបងស្រីរបស់ Selena Gomez ចង់មើលថែរូបនាង ដោយសារតារាមួយនេះមានបេះដូងបរិសុទ្ធ ទេពកោសល្យ សម្រស់ស្អាត ដែលស្ថិតនៅក្នុងបេះដូង Demi ជានិច្ចផងដែរ។
៧. ឆ្នាំ ២០១៤ Demi Lovato បានចុច Unfollow Selena Gomez នៅលើ បណ្តាញសង្គម Twitter
នៅពេល Demi Lovato ត្រូវបានគេសួរថា ហេតុអ្វីបានជារូបគេ ចុច Unfollow Selena Gomez
តារាមួយដួងនេះក៏ឆ្លើយថា រឿងមួយដែលមនុស្សបានផ្លាស់ប្តូរហើយក៏ បែកបាក់គ្នា។
៨. ឆ្នាំ ២០១៥ Selena Gomez បានជូនពរដល់ថ្ងៃខួបកំណើត Demi Lovato
Selena Gomez បានជូនពរ ថ្ងៃខួបកំណើត Demi Lovato៖
៩. ឆ្នាំ ២០១៥ Selena Gomez ចាត់ទុក Demi Lovato ដូចជាសមាជិកគ្រួសារម្នាក់ទៀត
នៅក្នុងកិច្ចសម្ភាសនៅក្នុងកម្មវិធី Entertainment Tonight តារាចម្រៀង Selena Gomez បាននិយាយថា៖
១០. ឆ្នាំ ២០១៧ Selena Gomezនិង Demi Lovato បានជួបគ្នាវិញនៅ Instyle នៅក្នុងកម្មវិធីប្រគល់ពានរង្វាន់នៅ ក្នុងរដ្ឋ Los Angeles ប្រទេសអាមេរិក
តារាមួយគូនេះបានជួបគ្នាវិញនិង ព្រមទាំងថតរូបបង្ហោះជាមួយគ្នាទៀតផង នៅក្នុងកម្មវិធីប្រគល់ពានរង្វាន់មួយ ដោយបង្ហាញពីភាពជិតស្និទ្ធជាមួយគ្នាដដែល។
១១.ឆ្នាំ ២០១៨ Selena Gomez ចុច Unfollow គណនីInstagramចំនួន ២៧៩ ដោយមាន Demi Lovato ម្នាក់ផងដែរ
ក្រោយពី Selena Gomez បានចុចUnfollow គណនីInstagramចំនួន ២៧៩រួចមក គណនីដែលតារាស្រីរូបនេះ នៅ Follow គឺមានតែ៣៧តែប៉ុណ្ណោះ ដូចជា Taylor Swift Amy Schumer Francia Raisa ប៉ុន្តែបែរជាមិនមានវត្តមានមិត្តភក្តិតាំងពីនៅក្មេងខ្ចី Demi Lovato ទៅវិញ។
១២.ខែវិច្ឆិកា ឆ្នាំ២០១៨ Demi Lovato បានចុច Unfollow Selena Gomez នៅក្នុង Instagram
Demi Lovato បានចុច Unfollow Selena Gomez នៅក្នុង Instagram វិញ ដោយមូលហេតុថា មិនចង់មានទំនាក់ទំនងជាមួយ មិត្តភក្តិដែលមើលមុខគ្នាមិនចំឬ មនុស្សអវិជ្ចមាន មិនត្រឹមតែប៉ុណ្ណោះ នាងក៏បានចុច Unfollow មិត្តដែលធ្លាប់សម្តែងភាពយន្តជាមួយគ្នា ដោយមាន Nick Jonasនិង Iggy Azaleaផងដែរ។
១៣.ខែមករា ឆ្នាំ២០២០ Selena Gomez បានសរសើរការសម្តែងរបស់ Demi Lovato នៅក្នុងការប្រគល់ពានរង្វាន់ Grammy Awards
ក្រោយពី Demi Lovatoបានសម្តែងនៅក្នុង ការប្រគល់ពានរង្វាន់ Grammy Awards រួចមក Selena Gomez បានសរសើរនាងថា៖
១៤. ខែ មេសា ឆ្នាំ ២០២០ Demi Lovato និយាយថា មិនមែនជាមិត្តភក្តិជាមួយ Selena Gomez
ស្ថិតក្នុងកិច្ចសម្ភាសមួយ Demi Lovato បាននិយាយថា៖
១៥. ចុងបញ្ចប់ទំនាក់ទំនងបញ្ចប់ដូចអំបិលត្រូវទឹក
មានប្រភពច្បាស់ការមួយបានបង្ហើបថា ក្នុងពេលរយៈពេលប៉ុន្មានឆ្នាំចុងក្រោយ Selena Gomez ព្យាយាមធ្វើល្អជាមួយ Demi Lovato ចំណែកឯ Demi Lovato តែងតែគិតថា Selena Gomez មិនដែលខ្វល់ខ្វាយចំពោះខ្លួនតាំងពីដំបូង រហូតដល់ទំនាក់ទំនង១៨ឆ្នាំ ប្រែទៅជាមនុស្សដែលមិនស្គាល់គ្នាទៅវិញ ដែលកន្លងមកអ្នកទាំងពីរបានឆ្លងកាត់រឿងរ៉ាវផ្ទាល់ខ្លួនជាមួយគ្នាជាច្រើន។