បរទេស៖ ថ្មីៗនេះ តារាចម្រៀងអាមេរិក Selene Gomez បានថតរូបមួយសន្លឹកបង្ហោះចូលក្នុងបណ្តាញសង្គម Instagram ដែលបង្ហាញពីស្នាមសម្លាក ដោយមិនមានអារម្មណ៍ថាខ្មាសអៀន ឬខ្វាយខ្វល់ពីការបាត់បង់ពីប្រជាប្រិយភាពអ្វីសូម្បីតែបន្តិចទាល់តែសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ សរុបមកទល់ពេលនេះ មានរយៈពេល៣ឆ្នាំដែលតារាចម្រៀងម្នាក់នេះ បានវះកាត់ប្តូរក្រលៀន ជាមួយនឹងមិត្តភក្តិនាង Francia Raisaដោយសារតែ ជំងឺ Lupus ការវះកាត់នេះហើយទើបបានជាបន្សល់ទុកនូវស្នាកស្នាមនៅត្រង់ក្រលៀន ប៉ុន្តែនេះមិនមែនជាបញ្ហាអ្វីសម្រាប់ម្ចាស់បទ «Rare» នេះឡើយ។
ដោយឡែក បើទោះបីជាមានស្នាមសម្លាកបន្តិចបន្តួចក៏ដោយ ក៏តារាស្រីម្នាក់នេះនៅតែអាចឈរកាច់រាង ជាមួយនឹងឈុតហែលទឹកពណ៍ខៀវ ដែលត្រូវមិត្តភក្តិ Theresa Marie Mingus ជូនជាកាដូជាទីគាប់ចិត្តផងដែរ ព្រមទាំងបានពោលពាក្យប៉ុន្មានម៉ាត់ទៀតថា៖
នៅពេលដែលខ្ញុំទទួលបានការវះកាត់ប្តូរក្រលៀន ខ្ញុំចងចាំ វាពិតជាមានលក្ខណៈពិបាកខ្លាំង ក្នុងការបង្ហាញស្លាកស្នាមនេះជាលើកដំបូង
ខ្ញុំមិនចង់បង្ហាញវានៅក្នុងរូបភាពនោះឡើយ ដូច្នេះខ្ញុំបានស្បត់ថា ខ្ញុំនឹងបិទបាំងឲ្យជិត ប៉ុន្តែនៅពេលនេះ ខ្ញុំមានអារម្មណ៍ថា មានទំនុកចិត្តនិង ភាពជឿជាក់ ថាខ្ញុំជានរណានិង អ្វីខ្លះដែលខ្ញុំធ្លាប់បានឆ្លងកាត់និង ខ្ញុំមានមានមានមោទនភាពនូវអ្វីដែលធ្លាប់បានប្រឈមមុខជាមួយ។
ក្រោយពីបានឃើញដូច្នេះរួចមក Selena Gomez ត្រូវបានហ្វេនៗក៏ដូចជា មហាជនជាច្រើនបាននាំគ្នាសរសើរដល់តារាស្រីរូបនេះដែលមាន ភាពជឿជាក់ ភាពក្លាហានដែលមិនខ្វាយខ្វល់ពីក្រសែរភ្នែកមហាជនដទៃទៀត ដែលនេះជាមេរៀនមួយសម្រាប់នារីៗដទៃទៀត គួរតែស្គាល់ខ្លួនឯងឲ្យបានច្បាស់លាស់និង រៀនស្រលាញ់ខ្លួនឯងឲ្យបានច្រើនៗផងដែរ៕
សូមចូលមើលរូបភាពខាងក្រោម៖
Bong I.T