ភ្នំពេញ៖ តារាសម្ដែង និងតារាម៉ូដែលដ៏មានសមត្ថភាព និងទេពកោសល្យសិល្បៈ លោក អ៊ុន សុធា និងកញ្ញា ទឹម រដ្ឋា ជាសិល្បករ សិល្បការិនី ដែលបានឈានជើងចូលសិល្បៈមិនក្រោយ ១០ឆ្នាំនោះទេ តែតារាប្រុសស្រីទាំងពីរដួងនេះនៅតែស្ថិតនៅក្នុងដួងចិត្តមហាជន និងទទួលបានការគាំទ្រច្រើនដដែល។ លើសពីនេះទៅទៀត បើនិយាយពីស្នាដៃក្នុងវិថីសិល្បៈ អ្នកតាំងពីរ តែងតែមានការកោតសរសើរពីទស្សនិកជន និងហ្វេនៗតាមរយៈការងារសិល្បៈផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ ពីមួយឆ្នាំទៅមួយឆ្នាំ តារាប្រុសស្រីទាំងពីររូបនេះ កាន់តែមានភាពមមាញឹកជាមួយការងារខ្លាំងជាងមុនគួរឲ្យកត់សម្គាល់ មិនថាថតខ្សែភាពយន្ត ថតស្ពត ឬថតសម្អាងការនោះទេ។ បើទោះបី ប៉ុន្មានឆ្នាំចុងក្រោយនេះ មានសិល្បករ សិល្បការិនីជំនាន់ក្រោយចូលប្រឡូកក្នុងវិស័យសិល្បៈមានច្រើនក៏ពិតមែន តែអ្នកទាំងពីរ នៅតែអាចក្ដោបក្ដាប់បាននៅទីផ្សារសិល្បៈមានការងារច្រើន និងជាតួសំខាន់ៗផងដែរ។
ក្នុងនោះដែរ ទាំងលោក អ៊ុន សុធា និងកញ្ញា ទឹម រដ្ឋា បានបង្ហាញនៅស្នាដៃថ្មីថតឈុតសម្លៀកបំពាក់បុរាណដែលមានឈ្មោះ ស្ដេចចម្បាំងស្វា.ស ដែលមានមើលទៅអ្នកទាំងពីរពិតជាស្រស់ស្អាតស្រស់សង្ហាខ្លាំង ដោយឈុតថ្មីនេះ បានរចនាឡើងតាមបែបបុរាណ និងភាពច្នៃប្រឌិត ម្យ៉ាងវិញទៀត ពេលតារាពីរដួងនេះ បានស្លៀកឈុតនេះទៅ ពិតជាសាកសម ហើយអង្គអាច និងរឹងមាំតែម្ដង។
ក្នុងនោះដែរ ក្រោយអ្នកគាំទ្របានឃើញ លោក អ៊ុន សុធា និងកញ្ញា ទឹម រដ្ឋា គ្រងនៅឈុតសម្លៀកបំពាក់ស្ដេចចម្បាំងស្វា.សនេះរួច ពួកគេបានលាន់មាត់សរសើរពីរូបសម្បត្តិ និងរូបសម្រស់របស់អ្នកទាំងពីរគ្រប់គ្នា៕
រៀបចំសម្លៀកបំពាក់៖ Wishing ជូនពរ
សូមទស្សនារូបភាពខាងក្រោម៖