លោកស្រី Tsai Ing-wen សរសើរពីវីវភាពពីឡុតតៃវ៉ាន់ ដែលបានស្ទាក់យន្តហោះចិន

តៃប៉ិ៖ កាលពីថ្ងៃអង្គារម្សិលមិញនេះ ប្រធានាធិបតីតៃវ៉ាន់លោកស្រី Tsai Ing-wen បានកោតសរសើរពីភាពក្លាហានរបស់កងទ័ពអាកាសតៃវ៉ាន់ ​ដែលបានស្ទាក់​យន្តហោះ​ចិន ​ខណៈពេលចូលមកជិតដល់ដែនកោះ​។

ភាពតានតឹងរវាង​ទីក្រុងប៉េកាំងនិងតៃប៉ិ បាននឹងកំពុងឡើងកម្តៅយ៉ាងខ្លាំងក្នុងប៉ុន្មានខែកន្លងមកនេះ បន្ទាប់ពីប្រទេសចិននៅតែបន្តអះអាងថា កោះតៃវ៉ាន់​គឺជា​ដែនដីរបស់ខ្លួន ហើយថែមទាំងបានបញ្ជូនយន្តហោះទៅក្បែរតំបន់កោះនេះ តែត្រូវទ័ពអាកាសតៃវ៉ាន់ហោះស្ទាក់ និងប្រដេញមិនឱ្យចូលជិត។

​កំឡុងពេលចុះ​ត្រួតពិនិត្យមូលដ្ឋានទ័ពអាកាសដ៏ធំមួយលើកោះ Penghu ក្នុងច្រកសមុទ្រតៃវ៉ាន់ លោកស្រី Tsai បានលើកឡើងដូច្នេះថា៖

គួរជម្រាបដែរថា នៅក្នុងឆ្នាំនេះទ័ពអាកាសតៃវ៉ាន់បានស្ទាក់យន្តហោះចិនជាច្រើនដងនៅក្បែរដែនអាកាសរបស់ខ្លួន។ ហើយខណៈពេលទីក្រុងប៉េកាំង​ចេះតែបន្តការគំរាមកំហែងជាបន្តបន្ទាប់ តៃប៉ិបានបង្ហាញមីស៊ីលបាញ់ពីលើអាកាសជំនាន់ថ្មី ដែលអាចហោះបានចម្ងាយ ២០០គីឡូម៉ែត្រ និងមានសមត្ថភាពអាចកម្ទេចមូលដ្ឋាន ​ក៏ដូចជាកប៉ាល់ចិនបាន៕