ភ្នំពេញ៖ ចាប់តាំងពីរៀបការ និងសាងគ្រួសារជាមួយនឹងស្វាមីមក សង្កេតឃើញថា សន្ទុះការងារសិល្បៈរបស់ពិធីការិនីពូកែវោហា និងពូកែខាងដោះស្រាយវិបត្តិស្នេហា DJ Nana កាន់តែកើនឡើងជាលំដាប់ មិនថាតែកម្មវិធីតូច ឬធំនោះទេ គឺសឹងតែមិនដែលរំលងផុតពីពិធីការិនីរូបនេះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង រយៈពេលជិតមួយឆ្នាំមកនេះ ទោះបីជាពិធីការិនី DJ Nana កំពុងជាប់ពពោះកូនដំបូងក៏ដោយ ប៉ុន្តែអ្នកនាងនៅតែមានការមមាញឹកជាមួយនឹងការងារសិល្បៈដដែល ធ្វើឲ្យមហាជន និងអ្នកគាំទ្រលើកសរសើរពីអ្នកនាងមិនដាច់ពីមាត់តែម្តង។
តួយ៉ាង នៅមុននេះបន្តិច DJ Nana បង្ហោះរូបមួយសន្លឹកនៅក្នុងបន្ទប់សម្រាលកូន ដោយសរសេរយ៉ាងដូច្នេះថា “បេសកកម្មបានជោគជ័យ ! កូនប្រុសកើតនៅថ្ងៃទី១៩ ខែកញ្ញា ឆ្នាំ២០២០ ហើយពេលនេះយើងបានត្រឡប់មកគេហដ្ឋានដោយសុវត្ថិភាព និងសុខភាពល្អ”។
បន្ទាប់ពីអ្នកនាងបង្ហោះរូបរួចមក មានបងប្អូន មិត្តភក្តិ និងអ្នកគាំទ្រជាច្រើនបានធ្វើការខមិនចូលរួមអបអរសាទរ និងជូនពរឲ្យមានសុខភាពល្អទាំងម្តាយ និងកូន៕
សូមទស្សនារូបភាពខាងក្រោមនេះ៖