ភ្នំពេញ៖ ធនាគារ ABA ជាធនាគារពាណិជ្ជរបស់កម្ពុជានាំមុខផ្នែកហិរញ្ញវត្ថុឌីជីថល និងជាបុត្រសម្ពន្ធរបស់ធនាគារជាតិកាណាដា ផ្តល់នូវសេវាផ្ទេរប្រាក់ជំនាន់ថ្មីតាមពេលវេលាជាក់ស្តែង តាមប្រព័ន្ធទូទាត់របស់ក្រុមហ៊ុន Visa គឺសេវាផ្ទេរប្រាក់ Visa Direct។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយប្រើប្រាស់សេវាផ្ទេរប្រាក់ Visa Direct នៅក្នុងកម្មវិធី ABA Mobile ម្ចាស់កាត Visa អាចផ្ញើប្រាក់បានយ៉ាងងាយស្រួល និងប្រកបដោយសុវត្ថិភាពដោយប្រើប្រាស់លេខ ១៦ ខ្ទង់របស់កាត Visa របស់អ្នកទទួលដែលបានចេញដោយធនាគារនានានៅកម្ពុជា។ សេវាផ្ទេរប្រាក់ Visa Direct អាចធ្វើឡើងបានគ្រប់ពេលវេលា មិនថានៅពេលយប់ ឬនៅចុងសប្តាហ៍ឡើយ ហើយប្រាក់ដែលបានផ្ទេរនឹងមានសម្រាប់អ្នកទទួលក្នុងរយៈពេល ៣០ នាទី។
តាមរយៈសេវាកម្មនេះ ម្ចាស់កាត ABA Visa អាចផ្ញើប្រាក់រហូតដល់ ២,៥០០ ដុល្លារក្នុងមួយប្រតិបត្តិការ និងរហូតដល់ ១០,០០០ ដុល្លារក្នុងមួយខែ ជាមួយថ្លៃសេវាសមរម្យ ហើយអ្នកទទួលអាចត្រូវបានជូនដំណឹងតាមរយៈកម្មវិធីទូរស័ព្ទរបស់ធនាគារពួកគេ នៅពេលដែលប្រាក់ត្រូវបានដាក់ចូលក្នុងគណនីធនាគាររបស់ពួកគេ។
ដើម្បីផ្ទេរប្រាក់ទៅកាត Visa នៅក្នុងប្រទេសដោយប្រើកម្មវិធី ABA Mobile អ្នកប្រើប្រាស់កម្មវិធី ABA Mobile គួរតែអនុវត្តតាមជំហានងាយៗទាំងនេះ៖
- បើកកម្មវិធី ABA Mobile
- ចុចលើប៊ូតុង ផ្ទេរប្រាក់ និងជ្រើសរើស ផ្ទេរប្រាក់ទៅកាត VISA
- ជ្រើសរើសកាត Visa ដែលត្រូវផ្ទេរប្រាក់ចេញ
- បញ្ចូលលេខកាត Visa ១៦ ខ្ទង់ និងឈ្មោះរបស់អ្នកទទួល
- បញ្ចូលចំនួនទឹកប្រាក់ត្រូវផ្ទេរ និងចុចប៊ូតុង ផ្ទេរប្រាក់
- បញ្ជាក់ប្រតិបត្តិការជាមួយលេខកូដ PIN ៤ ខ្ទង់របស់កម្មវិធី ABA Mobile
លោកស្រី Monika Chum ប្រធានក្រុមហ៊ុន Visa ប្រចាំប្រទេសកម្ពុជា បានមានប្រសាសន៍ថា៖
« សេវាផ្ទេរប្រាក់ Visa Direct អនុញ្ញាតឲ្យមានការទូទាត់ពីបុគ្គលម្នាក់ ទៅបុគ្គលម្នាក់ទៀតបានដោយងាយស្រួល និងមានប្រសិទ្ធភាព និងផ្តល់ឲ្យពាណិជ្ជករនូវវិធីសាស្ត្រទទួលការទូទាត់ ដែលចំណាយទាបដោយផ្ទាល់ពីអតិថិជន។ ដោយសារយើងឃើញមានការកើនឡើងនូវការទទួលការទូទាត់តាមឌីជីថលនៅកម្ពុជា យើងខ្ញុំមានសេចក្តីរីករាយចំពោះសក្តានុពលសម្រាប់សេវាផ្ទេរប្រាក់ Visa Direct ដើម្បីធ្វើការផ្ទេរប្រាក់ និងការទូទាត់ក្នុងស្រុកឲ្យកាន់តែលឿន និងងាយស្រួលសម្រាប់អ្នកប្រើប្រាស់ទូទាំងប្រទេស»។
លោកស្រីបានបន្ថែមទៀតថា៖
« ដោយមានកិច្ចសហការជាមួយធនាគារ ABA យើងរំពឹងថានឹងផ្តល់ឲ្យម្ចាស់កាត ABA Visa នូវមធ្យោបាយកាន់តែងាយស្រួលក្នុងការទូទាត់ប្រាក់ និងត្រួសត្រាយផ្លូវសម្រាប់ការអភិវឌ្ឍនូវការទូទាត់តាមឌីជីថលនវានុវត្ត បន្ថែមទៀតនៅគ្រប់គ្រឹះស្ថានហិរញ្ញវត្ថុទាំងអស់»។
បន្ថែមលើសេវាផ្ទេរប្រាក់ទៅកាត Visa ផ្សេងៗទៀត ដែលចេញដោយធនាគារផ្សេងៗនៅកម្ពុជា អតិថិជនធនាគារ ABA អាចប្រើសេវាផ្ទេរប្រាក់ Visa Direct នៅក្នុងកម្មវិធី ABA Mobile ដើម្បីផ្ញើប្រាក់ទៅកាត Visa ដែលចេញដោយធនាគារនានានៅក្នុងប្រទេសថៃ វៀតណាម ឡាវ ភូមា ម៉ាឡេស៊ី សិង្ហបុរី ឥណ្ឌូនេស៊ី និងហ្វីលីពីន។
បទពិសោធថ្មីនៃការផ្ទេរប្រាក់តាមឌីជីថលដ៏ងាយស្រួល ជាមួយនឹងសេវាផ្ទេរប្រាក់ Visa Direct នេះ មាននៅក្នុងកម្មវិធី ABA Mobile សម្រាប់ទាំងប្រព័ន្ធប្រតិបត្តិការ iOS និង Android ៕
សម្រាប់ព័ត៌មានបន្ថែមអំពីសេវាកម្មនេះ សូមចូលទៅកាន់វេបសាយ https://www.ababank.com/km/aba-news/aba-launches-instant-money-transfers-with-visa-direct/ ។
Bong I.T