ឈាង សុវណ្ណាវី កាន់តែលេចធ្លោនឹងចម្រៀងក្នុងខ្សែរឿងរបស់ Sastra Film

ភ្នំពេញ៖ តារាចម្រៀងវ័យក្មេងញញឹមស្រស់ ឈាង សុវណ្ណាវី​ ហៅ June ដែលបច្ចុប្បន្នជាតារាចម្រៀងក្នុងទ្រនំ Sastra Film ពេលនេះ កាន់តែមានសន្ទុះជាមួយនឹងបទចម្រៀងក្នុងខ្សែរឿងថ្មីៗដែលទទួលបានការចាប់អារម្មណ៍យ៉ាងច្រើនពីសំណាក់ទស្សនិកជនដែលនិយមតាមដានទស្សនាខ្សែរឿងជីវិតខ្លីៗតាមបណ្តាញសង្គម ក៏ដូចជារឿងភាគដែលមានចាក់បញ្ចាំងជាបន្តបន្ទាប់របស់ស្ថានីយទូរទស្សន៍បាយ័ន។

គិតមកទល់ពេលនេះ អតីតបេក្ខភាព Top 4 Cambodian Idol រដូវកាលទី៣ ទទួលបានបទចម្រៀងក្នុង Sastra Film ប្រមាណជាជាង ១០បទទៅហើយ ដោយនៅក្នុងនោះ បទចម្រៀងដែលទទួលបានការគាំទ្រច្រើនជាងគេមានដូចជាបទ៖ “ច្បាស់?” “ដដែល” និងបទ “ខ្លាចផ្ទះ” ដែលសុទ្ធតែជាបទចម្រៀងនិពន្ធបទភ្លេងថ្មីទាំងអស់តែម្តង។

ភាពលេចធ្លោយ៉ាងលឿនដែលស្រីស្រស់សម្បុរស្រអែម សុវណ្ណាវី បានខិតខំសាងឡើងនេះ ត្រូវបានអ្នកគាំទ្រមួយចំនួនរំពឹងថា ប្រជាប្រិយភាពរបស់តារាចម្រៀងស្រីមកពីខេត្តបន្ទាយមានជ័យរូបនេះ នឹងកាន់តែមានសន្ទុះខ្លាំងឡើងមួយកម្រិតទៀត បើសិនជា សុវណ្ណាវី នៅតែបន្តចេញបទចម្រៀងដែលមានអត្ថន័យចាក់ដោតដល់បេះដូងអ្នកស្តាប់ ដូចនឹងខ្សែរឿងជីវិតរបស់ Sastra Film នីមួយៗដែលបានចាក់បញ្ចាំងនាពេលកន្លងមក៕

សូមទស្សនារូបភាពខាងក្រោម៖