កំពង់ស្ពឺ៖ បន្ទាប់ពីកសាងកេរ្តិ៍ឈ្មោះលើវិថីសិល្បៈបានរយៈពេល ៩ឆ្នាំ កញ្ញា អ៊ីវ៉ា ដែលជាតារាចម្រៀងស្រីល្បីឈ្មោះមួយរូបប្រចាំផលិតកម្មសាន់ដេ បានបើកនូវហាងលក់សម្លៀកបំពាក់ផ្ទាល់ខ្លួនមួយនៅឯខេត្តកំពង់ស្ពឺ ដែលជាស្រុកកំណើតរបស់កញ្ញាផ្ទាល់ ដោយដាក់ឈ្មោះហាងថា “Eva Fashion Shop” ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងការបើកលក់ជាផ្លូវការដោយដាក់ឈ្មោះរបស់ខ្លួនផ្ទាល់ អ៊ីវ៉ា បានចាប់ផ្តើមយកទំព័រហ្វេសប៊ុកដើម្បី Live បង្ហាញពីម៉ូតសម្លៀកបំពាក់ថ្មីៗ ក៏ដូចជាការជជែកកម្សាន្តជាមួយនឹងអ្នកគាំទ្ររបស់កញ្ញាផងដែរ។
ងាកមកមើលពីការងារសិល្បៈរបស់ម្ចាស់បទ “ទឹកអប់មានពិស” រូបនេះវិញ ឃើញថាមួយរយៈក្រោយនេះ កញ្ញាពុំសូវជាមានបទចម្រៀងចេញថ្មីច្រើនដូចមុនដើម្បីបង្ហាញជូនដល់អ្នកគាំទ្រនោះទេ ប៉ុន្តែ អ៊ីវ៉ា នៅតែជាតារាចម្រៀងមួយរូបដែលមិនធ្វើឱ្យអ្នកគាំទ្រភ្លេចមុខងាយៗឡើយ ពោលគឺ កញ្ញានៅតែចូលចិត្តធ្វើដំណើរកម្សាន្តទៅតាមរមណីយដ្ឋាននានាដើម្បីចែករំលែករូបថតស្អាតៗជូនដល់អ្នកគាំទ្រឱ្យបានឃើញជានិច្ចតាមរយៈបណ្តាញសង្គមហ្វេសប៊ុករបស់កញ្ញាផ្ទាល់៕
សូមទស្សនារូបភាពខាងក្រោមរបស់កញ្ញា អ៊ីវ៉ា៖