អាមេរិក៖ ទារកម្នាក់ មានអាយុ៦ខែ និង៤ថ្ងៃ រស់នៅក្នុងរដ្ឋ Utah សហរដ្ឋអាមេរិក បានបំបែកឯតទគ្គកម្មពិភពលោក ជាមនុស្សវ័យក្មេងបំផុត ដែលជិះស្គីលើទឹក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីដេអូឃ្លីប ដែលល្បីល្បាញលើបណ្ដាញសង្គម បានបង្ហាញភាពក្លាហានរបស់ទារកឈ្មោះ Rich Humphreys នៅពេលរូបគេកំពុងឈរនៅលើក្ដារស្គីតែម្នាក់ឯង ហើយដៃទាំងសងខាងចាប់កាន់របារដែកយ៉ាងជាប់ ខណៈពេលទូកកំពុងបើកទៅមុខ ដែលស្ថិតនៅក្នុងបឹង Powell ។
វីដេអូឃ្លីបនេះ ត្រូវបានឪពុកម្ដាយរបស់ Humphreys គឺលោក Casey និងអ្នកស្រី Mindi ថតបង្ហោះទៅលើគណនីអុីនស្ដារក្រាមភ្លាមៗ អមនឹងចំណងជើងថា «ខ្ញុំបានជិះស្គីទឹកសម្រាប់ខួបកំណើតអាយុ៦ខែ របស់ខ្ញុំ» ដោយមានអ្នកចុចចូលទស្សនាយ៉ាងច្រើនសន្ធឹកសន្ធាប់ទៀតផង។ ទន្ទឹមនឹងនេះ ក៏មានអ្នកខ្លះបានបញ្ចេញមតិ ដោយលើកឡើងថា វាពិតជាអស្ចារ្យណាស់ ដែលទារកអាយុទើបតែ៦ខែ អាចជិះស្គីលើទឹកបាន តែក៏អាចមានគ្រោះថ្នាក់ជាយថាហេតុផងដែរ។
សូមបញ្ជាក់ថា បើយោងតាមសារព័ត៌មាន ABC News កំណត់ត្រាពិភពលោកក្រៅផ្លូវការពីមុនសម្រាប់អ្នកជិះស្គីលើទឹកវ័យក្មេងជាងគេ គឺបានទៅលើទារកឈ្មោះថា Auburn Absher ដែលមានអាយុ ៦ខែ និង ១០ថ្ងៃ នៅពេលទៅជិះស្គីលើទឹកជាមួយឲ្យឪពុកម្ដាយរបស់គេ៕
សូមទស្សនារូបភាព និងវីដេអូខាងក្រោម៖