ឥណ្ឌា៖ បុរសជនជាតិឥណ្ឌាម្នាក់ ត្រូវប៉ូលិសក្នុងទីក្រុង Hyderabad ធ្វើការឃាត់ខ្លួនខណៈពេលកំពុងធ្វើការ កាលពីថ្ងៃព្រហស្បតិ៍កន្លងទៅ ក្រោយរកឃើញថា អ្វីៗទាំងអស់សូម្បីតែ ឈ្មោះ កម្រិតអប់រំ និងបទពិសោធន៍ការងារ គឺសុទ្ធតែក្លែងក្លាយ ហើយបានបម្រើការជាគ្រូពេទ្យអស់រយៈពេលជិត ៤ឆ្នាំទៀតផង។

តាមប្រភពព័ត៌មានបានឲ្យដឹងថា បុរសខាងលើបានធ្វើការយ៉ាងជិតស្និទ្ធជាមួយប៉ូលិសកំឡុងពេលប្រទេសឥណ្ឌាចាក់សោ ដើម្បីពិនិត្យនិងព្យាបាលអ្នកជំងឺកូវីដ-១៩ ហើយត្រូវបានប៉ូលិសចាប់ខ្លួន តាមបណ្ដឹងរបស់ប្រពន្ធទីពីររបស់គាត់។ បន្ទាប់ពីឃាត់ខ្លួន ប៉ូលិសមានការភ្ញាក់ផ្អើលយ៉ាងខ្លាំង នៅពេលដឹងថាអ្វីៗទាំងអស់គឺសុទ្ធតែរបស់ក្លែងក្លាយ ដោយប្រើឈ្មោះជាវេជ្ជបណ្ឌិតថា YS Teja ខណៈដែលមានឈ្មោះពិតថា Veeragandham Teja។ លោក Teja បានអះអាងថាខ្លួនមានអាយុ២៣ឆ្នាំ និងបានធ្វើការ​យ៉ាងហោចណាស់ នៅមន្ទីរពេទ្យឯកជនចំនួន១៦ ដោយប្រើប្រាស់សញ្ញាបត្រវេជ្ជសាស្រ្ដក្លែងក្លាយ ព្រោះឈប់រៀនតាំងពីថ្នាក់ទី៥មកម្ល៉េះ។

ប្រភពដដែលបានបន្ដទៀតថា លោក Teja បានរត់ចេញពីផ្ទះរបស់គាត់ក្នុងឆ្នាំ២០០៥ ហើយប្រកប.របរ.រកស៊ី ដោយលក់អាហារសម្រន់តាមរថភ្លើង។ ក្រោយមកក៏បានជួបនឹងគ្រូពេទ្យម្នាក់ ឈ្មោះថា YS Purushottam ដែលជាអ្នកជួយគាត់ក្នុងការងារ។

លុះដល់ឆ្នាំ២០១២ លោក Teja ​​​​បានប្រើនាមត្រកូលថា YS របស់លោក YS Purushottam  ហើយបានធ្វើសញ្ញាបត្រអប់រំក្លែងក្លាយមួយចំនួន ដូចជាសញ្ញាបត្រវេជ្ជសាស្រ្ដ ព្រមទាំងបញ្ជាក់ពីការរៀនសូត្រ និងការហ្វឹកហាត់ការងារនៅតាមវិទ្យាស្ថានវេជ្ជសាស្ត្រជាច្រើនកន្លែងទៀតផង។ លោកបានផ្លាស់មកទីក្រុង  Hyderabad និងធ្វើការក្នុងមន្ទីរពេទ្យនៅទីនោះរហូតដល់ខែកុម្ភះ ឆ្នាំ២០២០ ដោយប្រើប្រាស់សញ្ញាបត្រ MBBS ក្លែងក្លាយ។  

យ៉ាងណាមិញ បើតាមការឲ្យដឹងពីប៉ូលិស នេះមិនមែនជាលើកទីមួយដែលត្រូវចាប់ខ្លួននោះទេ ដោយក្នុងឆ្នាំ ២០១៦ លោក Teja ធ្លាប់ត្រូវបានចាប់ខ្លួនម្ដង ខណៈពេលដែលក្លែងខ្លួនជាមន្ដ្រីប៉ូលិស IPS និងប្រើប្រាស់យានយន្ដផ្លូវការ ហើយអះអាងថាជាកូនប្រុសរបស់មន្ដ្រីប៉ូលិស IPS ជាន់ខ្ពស់ម្នាក់ទៀតផង៕

លោក Teja

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ