តេហេរ៉ង់៖ មន្ត្រីជាន់ខ្ពស់អាមេរិកម្នាក់ ដែល​សុំមិនបញ្ចេញឈ្មោះបានប្រាប់ទីភ្នាក់ងារសារព័ត៌មាន រ៉យទ័រ កាលពីថ្ងៃអាទិត្យថា អ៊ីរ៉ង់អាច​នឹង​មានអាវុធនុយក្លេអ៊ែរនៅចុងឆ្នាំនេះ ហើយថាប្រទេសនេះក៏បានបន្តកិច្ចសហប្រតិបត្តិការអភិវឌ្ឍមីស៊ីលរយៈចម្ងាយឆ្ងាយជាមួយកូរ៉េខាងជើងផងដែរ។

មន្ត្រី​​អាមេរិកខាងលើបានអះអាងទៀតថា បច្ចុប្បន្នប្រទេសអ៊ីរ៉ង់កំពុងធ្វើសកម្មភាពគ្រប់បែបយ៉ាង​​ ក្នុងគោលបំណងវិលត្រឡប់​មករកការធ្វើអាជីវកម្មលក់អាវុធវិញ។ ដូច្នេះដើម្បីជាឆ្លើយតប រដ្ឋបាលរបស់លោកប្រធានាធិបតី ដូណាល់ ត្រាំ ​បានដាក់ចេញនូវទណ្ឌកម្មថ្មីៗ​កាលពីថ្ងៃច័ន្ទ ដោយផ្តោតលើបុគ្គលនិងអង្គភាពជាង២០ ដែលពាក់ព័ន្ធនឹងរឿងនុយក្លេអ៊ែរ ​ក៏ដូចជាកម្មវិធីផលិតមីស៊ីល រួមទាំងគ្រឿងសព្វាវុធផ្សេងទៀតជាមួយប្រទេសអ៊ីរ៉ង់។

គួរជម្រាបដែរថា រដ្ឋបាលរបស់លោកប្រធានាធិបតី ដូណាល់ ត្រាំ បានធ្វើយុទ្ធនាការដាក់ទណ្ឌកម្មប្រឆាំងនឹងរដ្ឋាភិបាលតេហេរ៉ង់ជាយូរមកហើយ ដើម្បីទប់ស្កាត់ការគំរាមកំហែងនុយក្លេអ៊ែរពីសំណាក់ប្រទេសអ៊ីរ៉ង់។ បន្ថែមពីនេះ ក្រសួងការបរទេសលោក Mike Pompeo ក៏បាន​លើកឡើងដែរថា ​សហរដ្ឋអាមេរិកនឹងមិនមានការស្ទាក់ស្ទើរ ក្នុងការដាក់ទណ្ឌកម្មលើប្រទេស ដែលប្រឆាំងនឹងពួកគេនោះទេ៕

ទណ្ឌកម្មរបស់អាមេរិក​​ ក៏នឹងធ្វើចំពោះប្រទេសដែលទិញឬលក់អាវុធទៅឱ្យអ៊ីរ៉ង់​ដែរ
ប្រធានាធិបតីអ៊ីរ៉ង់ លោក ហាសាន់ រូហានី

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]