តៃប៉ិ៖ ក្រសួងការពារជាតិកោះតៃវ៉ាន់បានលើកឡើងនៅថ្ងៃច័ន្ទ ទី២១ ខែកញ្ញានេះថា កងកម្លាំងប្រដាប់អាវុធរបស់​កោះតៃវ៉ាន់ អាច​នឹងប្រើសិទ្ធការពារខ្លួន ដើម្បីធ្វើការវាយប្រហារប្រឆាំង​នឹងការគំរាមកំហែងនានាពីសំណាក់កងទ័ពចិន ដែលជាក់ស្តែង​កាលពីសប្តាហ៍មុន ប្រទេសចិនបានបញ្ជូនយន្ដហោះជាច្រើនគ្រឿង ហោះឆ្លងកាត់ផ្លូវ​ច្រកសមុទ្រកោះតៃវ៉ាន់​។

ឧទ្ធម្ភាគចក្រ AH-1 Cobra របស់តៃវ៉ាន់ កំឡុងពេលធ្វើសមយុទ្ធ Han Kuang

ភាពតានតឹងរវាង​ទីក្រុងប៉េកាំងនិងតៃប៉ិ បាននឹងកំពុងឡើងកម្តៅយ៉ាងខ្លាំងក្នុងប៉ុន្មានខែកន្លងមកនេះ បន្ទាប់ពីប្រទេសចិននៅតែបន្តអះអាងថា កោះតៃវ៉ាន់គឺគ្រាន់តែជាខេត្តមួយរបស់ខ្លួនប៉ុណ្ណោះ ហើយប្រសិនបើចាំបាច់កងកម្លាំងយោធាចិន នឹងធ្វើការវាយសង្គ្រុប ដើម្បីកាន់កាប់ទឹកដីកោះមួយនេះ។

យោធាកោះតៃវ៉ាន់ កំឡុងពេលធ្វើសមយុទ្ធ Han Kuang

កាលពីថ្ងៃសុក្រនិងថ្ងៃសៅរ៍សប្តាហ៍មុននេះ ប្រទេសចិនបានបញ្ជូនយន្តហោះជាច្រើនគ្រឿង ហោះកាត់ច្រកសមុទ្រ រួមទាំងដែនអាកាសកោះតៃវ៉ាន់ ដែលជំរុញឱ្យ​លោកស្រីប្រធានាធិបតី Tsai Ing-wen សម្រេចបញ្ជូនយន្តហោះទៅស្ទាក់វត្តមានយន្តហោះចិន ហើយថែមទាំងហៅប្រទេសចិន ថាជាអ្នកបង្ក​ការគំរាមកំហែងក្នុងតំបន់។

​លោកស្រីប្រធានាធិបតី Tsai Ing-wen  ហៅប្រទេសចិន ថាជាអ្នកបង្កជាអ្នកការគំរាមកំហែងក្នុងតំបន់

គួរជម្រាបដែរថា ប្រទេសចិនមានការខឹងសម្បារយ៉ាងខ្លាំង ក្រោយឃើញ​វត្តមានសហរដ្ឋអាមេរិក​បង្កើនការគាំទ្រដល់កោះតៃវ៉ាន់ ដែលរួមមានទាំងការធ្វើទស្សនកិច្ចរបស់មន្រ្តីជាន់ខ្ពស់ ការបង្កើនចំណងទាក់ទង ក៏ដូចជាសកម្មភាពលក់គ្រឿងសព្វាវុធថ្មីៗ​ ទៅ​ឱ្យកោះតៃវ៉ាន់ផងដែរ៕

អាមេរិកលក់មីស៊ីលបំពាក់លើនាវាមុជទឹកឱ្យកោះតៃវ៉ាន់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]