ម៉ុមបៃ៖ យ៉ាងហោចណាស់មានមនុស្ស ១០នាក់ បានស្លាប់បាត់បង់ជីវិត ខណៈប្រមាណ ២៥នាក់ផ្សេងទៀត ត្រូវគេជឿថាបានជាប់នៅក្នុងគំនរបាក់បែក បន្ទាប់ពីអគារលំនៅដ្ឋានមានកម្ពស់ ៣ជាន់ បានបាក់រលំនៅក្នុងប្រទេសឥណ្ឌានាព្រឹកថ្ងៃច័ន្ទនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាជ្ញាធរក្នុងតំបន់បានប្រាប់ទីភ្នាក់ងារសារព័ត៌មាន AFP ឱ្យដឹងថា ហេតុការណ៍នេះបានកើតឡើងកាលពីវេលាម៉ោង ៣ទៀបភ្លឺ នៅក្នុងទីក្រុង Bhiwandi ដែលមានចម្ងាយប្រហែល ៤០ គីឡូម៉ែត្រពីក្រុងទីក្រុងម៉ុមបៃ។ ហើយទន្ទឹមនឹងនេះ ក៏មានក្រុមអ្នកជួយសង្គ្រោះប្រមាណ ៤០នាក់ ត្រូវបានគេបញ្ជូនមកដើម្បីចុះជួយអន្តរាគមន៍តាមស្វែងរកជនរងគ្រោះ។
គួរឱ្យដឹងដែរថា ហេតុការណ៍បាក់រលំអគារក្នុងប្រទេសឥណ្ឌា គឺតែងកើតមានជាញឹកញាប់ជាពិសេសនៅរដូវភ្លៀងធ្លាក់ ដោយសារតែសំណង់ទាំងនោះចាស់ទ្រុតទ្រោម ហើយសំណង់ទៀតសោធន៍ក៏ត្រូវបានសាងសង់ឡើង ដោយគ្មានច្បាប់អនុញ្ញាតត្រឹមត្រូវនោះដែរ៕
សូមទស្សនាវីដេអូខាងក្រោម៖