ថតផ្សាយលើគ្របទស្សនាវដ្ដី ELLE ថ្ងៃមុន BLACKPINK ស្លៀកឈុតប្រណីតៗថ្លៃៗមិនណយទេ

កូរ៉េខាងត្បូង៖ ថ្មីៗនេះសមាជិកស្រីស្អាតទាំងបួននាក់ របស់ក្រុមចម្រៀង BLACKPINK ទើបតែបានបង្កើតកំណត់ត្រាថ្មីមួយថែមទៀត នៅពេលក្លាយខ្លួនជាតារាស្រី Kpop ៤ នាក់ដំបូង ដែលបានបង្ហាញខ្លួននៅលើទស្សនាវដ្តី ELLE ដ៏ល្បីល្បាញរបស់អាមេរិក។

ជាមួយគ្នានេះផងដែរ តាមរយៈសមិទ្ធផលថ្មីមួយនេះ សមាជិកទាំងបួននាក់ ពិតជាត្រូវបានអ្នកនិយមលេងបណ្ដាញសង្គមជាច្រើន មានការស្ញើចសរសើរមិនដាច់ពីមាត់ អំពីសម្រស់ដ៏លេចធ្លោរម្នាក់ៗ ក្នុងការស្លៀកឈុតស្អាតៗមិនធម្មតាឡើយ។

ក្នុងនោះដែរ បើក្រឡេកទៅមើលរូបភាព និងសម្លៀកបំពាក់ដែលពួកគេស្លៀកវិញ យើងអាចនិយាយបានថា ជារឿយៗរាល់ពេលដែល BLACKPINK បង្ហាញខ្លួនម្ដងៗ ពួកគេតែងតែនិយមប្រើរបស់របរ និងសម្លៀកបំពាក់ថ្លៃៗណាស់ ពិសេសម៉ាកយីហោ ដែលពួកគេធ្វើជាតំណាងទូតសុឆន្ទៈផ្ទាល់តែម្ដង។

ហើយលើកនេះទៀតសោត ក្នុងការបង្ហាញខ្លួននៅលើគ្របទស្សនាវដ្ដីដ៏ល្បីរបស់អាមេរិកម្ដងនេះ ស្រីស្អាតទាំងបួនក៏នៅតែប្រើសម្លៀកបំពាក់ថ្លៃៗមិនណយដែរ ដែលសរុបមួយតួខ្លួន​ ម្នាក់ៗចាយលុយលើម៉ាកយីហោរល្បីៗ មិនតិចជាងរាប់ពាន់ដុល្លារនោះឡើយ ទើបគ្រប់រូបភាពរបស់ពួកគេ ចេញផ្សាយទៅ មានភាពទាក់ទាញខ្លាំងដល់ថ្នាក់នេះ៕

ចង់ជ្រាបច្បាស់ ទៅទស្សនារូបភាពដែលបង្ហាញតម្លៃសម្លៀកបំពាក់របស់ពួកគេខាងក្រោម ៖

១.Jennie

២.Jisoo

៣.Rose

៤.Lisa