​ស្ងាត់ៗ សួស វីហ្សា បន្ថែមសមាជិកថ្មីមួយទៀត ស្របពេលជិតដល់ថ្ងៃសម្រាលកូន

ភ្នំពេញ៖ ថ្មីៗនេះ តារាចម្រៀងប្រចាំផលិតកម្មរស្មីហង្សមាស សួស វីហ្សា និងស្វាមី ដែលជាតារាសម្ដែងដ៏មានប្រជាប្រិយភាពលោក ថម មី បាន​ធ្វើឲ្យអ្នកគាំទ្រភ្ញាក់ផ្អើលមិនតិចនោះទេ ដោយសារស្ងាត់ៗប្ដីប្រពន្ធមួយគូនេះ បានបង្ហាញរូបរាងសមាជិករថយន្តថ្មីបន្ថែមមួយទៀត គឺរថយន្តម៉ាក Trundra ទំនើបមួយគ្រឿងដ៏ថ្មីសន្លាង ពណ៌ទឹកប៊ិកដែលមានតម្លៃរាប់មុឺនដុល្លារ។  

ជាមួយគ្នានេះដែរ អមជាមួយនឹងរូបភាព លោក ថម មី ជាស្វាមីរបស់ អ្នកនាង សួស វីហ្សា ក៏បានបង្ហោះសារយ៉ាងដូច្នេះថា៖

ស្វាគមន៍សមាជិកថ្មីបន្ថែម អរគុណសន្តិភាព អរគុណការខិតខំប្រឹងប្រែងតស៊ូ អរគុណប្រពន្ធដែលតែងតែអោយកំលាំងចិត្តប្តី សូមអោយហេងហេងរីកចំរើនតទៅមុខទៀត សមាជិកថ្មីសម្រាប់ទុកទៅតាមខេត្តនិងចំការ ហត់ណាស់រាល់ថ្ងៃតែក៏សប្បាយចិត្តព្រោះបានឃើញការតស៊ូបានដូចបំណង។

ក្រោយពេលបង្ហោះសារបែបនេះហើយ មានហ្វេនៗជាច្រើនបានជូនពរអ្នកនាង និងស្វាមីដេលខិតខំប្រឹងប្រែងរហូតមកដល់ថ្ងៃនេះ។ គួរបញ្ជាក់ផងថា មកដល់បច្ចុប្បន្ននេះ អ្នកនាង សួស វីហ្សា និង ស្វាមីមានរថយន្តទំនើបជាច្រើនគ្រឿងផងដែរ៕

សូមទស្សនារូបភាពខាងក្រោម៖