ញូដេលី៖ កាលពីថ្ងៃសៅរ៍នេះទីភ្នាក់ងារស៊ើបអង្កេតជាតិឥណ្ឌា ហៅកាត់ថា NIA បានចាប់ខ្លួនក្រុមសកម្មប្រយុទ្ធអាល់កៃដា ៩នាក់ ដែលកំពុងរៀបចំផែនការវាយប្រហារនៅទីតាំងមួយចំនួន ដោយក្នុងនោះមានទាំងរដ្ឋធានីញូដេលី។
នៅក្នុងសេចក្តីថ្លែងការណ៍របស់ទីភ្នាក់ងារ NIA បានឱ្យដឹងថា ក្រុមសកម្មប្រយុទ្ធដែលមានគ្នា ៦នាក់ ត្រូវបានចាប់ខ្លួននៅភាគខាងកើតនៃរដ្ឋ West Bengal ចំណែក ៣នាក់ផ្សេងទៀត ត្រូវបានចាប់ខ្លួននៅរដ្ឋ Kerala ភាគខាងត្បូងប្រទេសឥណ្ឌា។ ក្រុមសកម្មប្រយុទ្ធទាំងនេះត្រូវបានសង្ស័យថាមានទំនាក់ទំនង ក៏ដូចជាទទួលការគាំទ្រពីក្រុមសកម្មប្រយុទ្ធពីប្រទេសប៉ាគីស្ថាន ខណៈដែលអ្នកនាំពាក្យការិយាល័យការបរទេសប៉ាគីស្ថាន មិនទាន់បានធ្វើការឆ្លើយតបមកវិញនោះទេ។
គួរឱ្យដឹងដែរថា បច្ចុប្បន្នប្រទេសឥណ្ឌាបាននឹងកំពុងបង្កើនសកម្មភាពប្រឆាំងនឹងក្រុមសកម្មប្រយុទ្ធនៅក្នុងតំបន់កាស្មៀរ និងតំបន់មួយចំនួនទៀត។ ហើយកាលពីឆ្នាំមុន កងកម្លាំងឥណ្ឌាក៏បានសម្លាប់មេដឹកនាំក្រុមសកម្មប្រយុទ្ធ ដែលមានទំនាក់ទំនងជាមួយក្រុមអាល់កៃដានៅតំបន់កាស្មៀរនេះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
