ក្រុងព្រះសីហនុ៖ កាលពីម្សិលមិញនេះ ត្រូវនឹងថ្ងៃខួបកំណើតក្នុងគម្រប់ខួប ៣៣ឆ្នាំរបស់អ្នកនាង ឱក សុគន្ធកញ្ញា។ ក្នុងនោះផងដែរថា អ្នកនាងបានដឹកដៃស្វាមីបណ្តូលចិត្ត និងកូនប្រុសដ៏គួរឲ្យស្រលាញ់ទៅកម្សាន្តលេងសម្រាកលំហែកាយនៅឯកោះសង្សារ ដែលជាកោះមួយដែលមានទេសភាពស្រស់ស្អាត និងបរិកាសស្រស់ស្រាយ។ ហើយម្សិលមិញនេះផងដែរ អ្នកនាង និងស្វាមី ក៏បានឆ្លៀតធ្វើបុណ្យនិមិត្តព្រះសង្ឃរាប់បាត ប្រគេនទ័យទាននៅលើកោះសង្សារផ្ទាល់តែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងដំណើរកម្សាន្តមួយនេះ សង្កេតឃើញមានបងប្អូន មិត្តភក្តិជាច្រើនក៏បានរួមដំណើរកម្សាន្តនេះយ៉ាងសប្បាយរីករាយ ជាមួយអារម្មណ៍ស្រស់ស្រាយខ្លាំងមែនទែន។ មិនតែប៉ុណ្ណោះ ដំណើរកម្សាន្តនេះក៏ឃើញមានលោក ណុប បាយ៉ារិទ្ធ និងក្រុមគ្រួសាររបស់អ្នកនាង គង់ សុជាតិ ក៏មានវត្តមានក្នុងដំណើរកម្សាន្តនេះផងដែរ។
តួយ៉ាង មុននេះបន្តិចអ្នកនាង ឱក សុគន្ធកញ្ញា បានបង្ហោះរូបជាច្រើនសន្លឹកជាមួយបងប្អូន និងមនុស្សជិតស្និទ្ធជាច្រើននាក់ រួមទាំងសរសេរយ៉ាងដូច្នេះថា “ព្រោះតែខួបឆ្នាំនេះខ្លាចប្អូនឯកា Sweet តែពីរនាក់ប្តីប្រពន្ធ ចឹងហើយបងប្អូនមកជុំគ្នាតែម្ដងទៅ ត្រឹមតែជាង ៣០នាក់តែប៉ុណ្ណោះ ម៉ៅកោះមួយលេង (មកពីមានតែមួយក្រុម)”៕
សូមទស្សនារូបភាពខាងក្រោមនេះ ៖
Bong I.T