ម្តាយ Justin Bieber ប្រតិកម្មបែបនេះ ក្រោយ​ឃើញ​កូន​សាក់​រូបផ្លែ Peach ​នៅលើកញ្ចឹងក

បរទេស ៖ Justin Bieber បានអបអរសាទរការចេញផ្សាយបទថ្មីរបស់គាត់។ គាត់បានសាក់រូបផ្លែ Peach នៅលើ​ក​ដើម្បីទុកជាអនុស្សាវរីយ៍។ ការសាក់រូបផ្លែឈើនេះនៅលើកញ្ចឹងកនេះ បានធ្វើឱ្យម្តាយរបស់គាត់មិនពេញចិត្ត​ឡើយ​។

តារាចម្រៀងប៉ុបវ័យ ២៧ ឆ្នាំរូបនេះបានចែករំលែករូបថតនៃការរចនារូបសាក់នៅលើបណ្តាញសង្គម Instagram ហើយម្តាយរបស់គាត់ឈ្មោះ Pattie Mallette ក៏បានបង្ហាញពីការមិនពេញចិត្តរបស់គាត់ភ្លាមៗផងដែរ​ដោយ​បានសួរទៅកូនគាត់ប្រុសថា​ "Don't you have enough yet?"​ ដែលចង់មានន័យថា "សាក់ប៉ុណ្ណឹងហើយមិនទាន់គ្រប់គ្រាន់ទៀតមែន?" ដោយបន្ថែមរូប emoji 🙁 ទៀតផង។

Justin ធ្លាប់បានលើកឡើងរួចមកហើយថាគាត់កំពុងគិតអំពីការបង្កើតអនុស្សាវរីយចងចាំំណាមួយ​សម្រាប់​បទចម្រៀងថ្មីរបស់គាត់ ដោយបាននិយាយថា "Maybe I'll get like a small peach on my body somewhere." ដែលមានន័យថា "ប្រហែលជាខ្ញុំនឹងមានរូបផ្លែប៉េសតូចមួយនៅលើដងខ្លួន​របស់ខ្ញុំនៅកន្លែង​ណាមួយ"។

អ្នកគាំទ្ររបស់ចាស្ទីនក៏បានរិះគន់រូបគាត់ផងដែរ ដោយពួកគេបានចងចាំនូវពាក្យសន្យាមួយរបស់គាត់ ដោយមាន​ម្នាក់បានបញ្ចេញមតិលើរូបភាពរបស់គាត់ថា "You promised Hailey no more on the neck, So why?"​ "អ្នកបានសន្យាជាមួយ Hailey ហើយមែនទេថាហ្នឹងមិនមានស្នាមសាក់នៅលើកញ្ចឹងកទៀតទេ, ដូច្នេះហេតុអ្វី?"។

ហើយក៏មានមិតិមួយទៀតសសេរថា: "I THOUGHT HAILEY SAID NO MORE NECK TATTOOS."​ 

"ខ្ញុំគិតថា​ Hailey បាននិយាយថា កុំមានស្នាមសាក់នៅលើកញ្ចឹងកទៀតអោយសោះ"​៕