អ្នកនយោបាយនៅម៉ាឡេសុី វ័យ៦២ឆ្នាំ រៀបការជាមួយបុរសជំនួញវ័យ២៨ឆ្នាំ យ៉ាងផ្អែមល្ហែម

ម៉ាឡេសុី៖ អ្នកនយោបាយម្នាក់ប្រចាំប្រទេសម៉ាឡេសុី គឺអ្នកស្រី Datuk Zaleha វ័យ៦២ឆ្នាំ បានរៀបការជាមួយនឹងបុរសជំនួញម្នាក់ឈ្មោះថា Ashraf វ័យ២៨ឆ្នាំ កាលពីថ្ងៃសុក្រទី១១ ខែកញ្ញាសប្ដាហ៍មុននេះ ក្រោយពីស្វាមីស្លាប់បាត់ទៅអស់រយៈ​ពេល៥ឆ្នាំ។

អ្នកស្រី Datuk ព្រមទាំងស្វាមីវ័យក្មេងរបស់គាត់ បានស្គាល់គ្នាតាំងពីឆ្នាំមុនមកម៉្លេះ ក្នុងពិធីជួបជុំមួយ នៅទីក្រុង Melaka។ បន្ទាប់ពីអ្នកទាំងពីរមើលចិត្តគ្នារួចមក ក៏សម្រេចចិត្តសង់ផ្ទះមួយខ្នង និងកសាងគ្រួសារជាមួយគ្នាតែម្ដង។ ហើយអ្នកពីរ នឹងធ្វើដំណើរទៅក្រេបទឹកឃ្មុំនៅក្រុង Cameron Highlands នៃរដ្ឋ Pahang ផងដែរ។

យ៉ាងណាមិញ រូបភាពប៉ុន្មានសន្លឹកដែលបង្ហាញពីអ្នកទាំងពីរ ត្រូវបានគេយកទៅបង្ហោះចែកចាយពាសពេញបណ្ដាញសង្គម ដោយទទួលបានការចាប់អារម្មណ៍យ៉ាងខ្លាំង និងមានមហាជនជាច្រើនបានចូលរួមអបអរ ព្រមទាំងជូនពរជ័យផងដែរ៕

សូមទស្សនារូបភាពខាងក្រោម៖