ថៃ៖ រដ្ឋាភិបាលថៃបានរាយការណ៍ករណីថ្មីជំងឺ COVID-១៩ ចំនួនពីរនាក់កាលពីថ្ងៃចន្ទ ដោយអ្នកទាំងពីរនាក់គឺសុទ្ធតែជាជនជាតិថៃដែលបានដាក់ឱ្យស្ថិតនៅដាច់ដោយឡែកពីគេ បន្ទាប់ពីបានត្រឡប់មកពីបរទេសវិញ។ ករណីថ្មីនេះបានបង្កើនចំនួនអ្នកបានឆ្លងជំងឺ COVID-១៩ សរុបនៅប្រទេសថៃដល់ ៣,៤៧៥ នាក់។ ក៏ប៉ុន្តែមិនមានរបាយការណ៍អំពីការស្លាប់ថ្មីទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សករណីទី ១ គឺបុរសម្នាក់អាយុ ២៣ ឆ្នាំដែលបានវិលត្រឡប់មកប្រទេសថៃពីសហរដ្ឋអាមេរិកវិញនៅថ្ងៃទី ៥ ខែកញ្ញា។ គាត់ត្រូវបានគេរកឃើញថាបានឆ្លងវីរុសកូរ៉ូណាកាលពីថ្ងៃសៅរ៍។
អ្នកជំងឺម្នាក់ទៀតជាស្ត្រីអាយុ ២៩ ឆ្នាំដែលបានមកដល់ប្រទេសវិញនៅថ្ងៃទី ៧ ខែកញ្ញា។ នាងបានធ្វើតេស្តរកវីរុសកូរ៉ូណាកាលពីថ្ងៃសុក្រ។
ជាមួយគ្នានេះដែរ នាយកដ្ឋានប្រយុទ្ធនឹងជំងឺបាននិយាយថា ខ្លួនក៏កំពុងរង់ចាំលទ្ធផលនៃការធ្វើតេស្តលើមនុស្ស ២៨៦ នាក់ដែលបានទាក់ទងឬនៅជិតកីឡាករបាល់ទាត់របស់ក្លិប Buriram United ដែលត្រូវបានគេធ្វើរោគវិនិច្ឆ័យឃើញថាមានផ្ទុកជំងឺ COVID-១៩ ។ នាយកដ្ឋានដដែលក៏បានធ្វើតេស្តលើមនុស្សចំនួន ៤៤១ នាក់ ហើយរហូតមកដល់ពេលនេះលទ្ធផលទាំងអស់គឺ ១៥៥ គឺអវិជ្ជមាន។
ការធ្វើតេស្តអវិជ្ជមានទាំងនោះរួមមានកីឡាករ និងបុគ្គលិករបស់ក្លិប Buriram United, Ratchaburi Mitr Phol និងក្លិប Khon Kaen United ក៏ដូចជាអ្នកដំណើរនៅលើជើងហោះហើរដូចគ្នានឹងកីឡាករសញ្ជាតិអ៊ូបេគីស្ថាន Akbar Ismatullaev ដែលបានឆ្លងជំងឺនេះ។
គួរបញ្ជាក់ផងដែរថាក្លិប Mitr Phol និងក្លិប Khon Kaen បានប្រកួតមិត្តភាពជាមួយក្លិប Buriram United មុនរដូវកាលចាប់ផ្តើមឡើងវិញនៅថ្ងៃសៅរ៍៕
ប្រភព៖ Bangkok Post