កូរ៉េខាងត្បូង៖ នៅក្នុងភាគមួយនៃកម្មវិធីរបស់ MBN តារាចម្រៀងមិនចេះចាស់ Sandara Park បានបង្ហាញខ្លួនជាភ្ញៀវកិត្តិយសនៅក្នុងកម្មវិធី "Dating Expert" ភាគពិសេស។ នៅក្នុងកម្មវិធីនោះផងដែរ Sandara Park បានបង្ហាញនូវភាពគួរឱ្យស្រឡាញ់ចំពោះភ្ញៀវកិត្តិយសម្នាក់។

Eun Ji Won និង​Sandara Park

ពិធីករនៃកម្មវិធីនោះបានបង្ហើបថា Sandara Park បានលួចចូលចិត្តសមាជិកម្នាក់នៃក្រុម SECHSKIES គឺ Eun Ji Won អស់រយៈពេល២២ឆ្នាំហើយ ដែលតារាចម្រៀងប្រុសម្នាក់នេះក៏កំពុងតែធ្វើជាភ្ញៀវកិត្តយសក្នុងកម្មវិធីនេះផងដែរ ពិធីករថែមទាំងបានបន្ថែមទៀតថា ខ្លួនបានគិតថានោះជាហេតុផលដែល ស្រីស្អាតម្នាក់នេះព្រមទទួលសំណើចូលរួមកម្មវិធីនេះ។ ពិធីករបានបន្តនិយាយលេងសើចថា «មើលចុះ បង Ji Won មើលទៅល្អណាស់មែនទេ? ពេលដូរម៉ូតសក់ទៀត ក៏មើលទៅក្មេងជាងអាយដលមួយចំនួនទៀត»។

Eun Ji Won និង​ Sandara Park ក្នុងកម្មវិធី ‘Dating Expert’

តារាចម្រៀង Sandara Park ចាប់ផ្តើមអៀនខ្លាំង ព្រមទាំងបានបកស្រាយថា ពីមូលហេតុដែលធ្វើឱ្យខ្លួនចូលចិត្ត Ji Won បែបនេះ ដោយបាននិយាយថា «គាត់សង្ហា ហើយមានភាពទាក់ទាញបែបទន់ភ្លន់ពីខាងក្នុង នៅក្នុងជីវិតពិតគាត់ពិតជាផ្អែមល្ហែមគ្រប់រឿងតែម្តង»។ ឮបែបនោះ Ji Won បានអរគុណចំពោះការសរសើរនោះ ហើយពិតជាមិនចង់ជឿនោះទេ ដែល Sandara Park បានចូលចិត្តខ្លួនអស់រយៈពេល២២ឆ្នាំ តែបើសង្កេតតាមរយៈទឹកមុខរបស់ Ji Won គេអាច​ទាយដឹងថា គាត់រំភើបយ៉ាងខ្លាំង ដែលបានឮបែបនេះពីមាត់របស់ស្រីស្អាត Sandara Park ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ