ថៃ៖ ជាការពិតណាស់ កាលពីល្ងាចថ្ងៃទី ១២ ខែកញ្ញា កន្លងទៅ កម្មវិធីប្រគល់ពានរង្វាន់ Nataraja Awards របស់ប្រទេសថៃ លើកទី១១ បានធ្វើឡើងនៅទីក្រុងបាងកក ដោយបានរៀបចំយ៉ាងអធិកអធម ពិសេសនោះក៏មានការប្រមូលផ្ដុំតារាសម្ដែងស្រីប្រុសជាច្រើនមកចូលរួម ដើម្បីទទួលពានរង្វាន់នានា ផ្សេងៗគ្នាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះទៀតសោត តាមរយៈការចូលរួមក្នុងកម្មវិធីដ៏ពិសេសនេះ សិល្បៈករ សិល្បៈការនីទាំងនោះ ម្នាក់ៗបានរៀបចំ តុបតែងខ្លួនយ៉ាងស្រស់ស្អាត ស្រស់សង្ហាសាកសមឈ្មោះជាតារាល្បីណាស់។
អ្វីដែលយើងគួរឲ្យចាប់អារម្មណ៍បំផុត បើក្រឡេកមើលទៅកាន់ តារាសម្តែង Baifern Pimchanok វិញ យោងតាមរយៈរូបភាពដែលនាងបានបង្ហោះនៅលើបណ្ដាញសង្គម យើងឃើញថា នាងពិតជាមើលទៅស្រស់ស្អាតមានភាពទាក់ទាញភ្នែកគេឯងគ្រប់គ្នាណាស់ ដោយសារក្នុងថ្ងៃឡើងទទួលពានរង្វាន់កាលពីថ្ងៃនោះ Baifern បានស្លៀកសម្លៀកបំពាក់ពណ៌សវែងអូសដី បញ្ចេញសាច់ស្មាដ៏ខ្ចីរបស់នាង យ៉ាងជឿជាក់ ធ្វើឲ្យគ្រប់គ្នាឃើញហើយលាន់មាត់សរសើរគ្រប់គ្នាតែម្ដង។
មួយវិញទៀត ក្រៅពីការបង្អួតសម្រស់ដ៏ស្រស់សោភា មើលមិនជិនណាយស្អាតគ្រប់ប្លង់ទាំងនោះហើយ តារាស្រីរូបនេះ ក៏បានធ្វើឲ្យមហាជនដែលជាអ្នកគាំទ្រ មានការរំភើបចិត្តខ្លាំងមិនស្ទើរនោះឡើយ ក្រោយពេលដែលនាង បានទទួលពានរង្វាន់ជាតារាសម្ដែងស្រីឆ្នើមប្រចាំឆ្នាំ (Best Actress) ដោយក្នុងនោះក្នុងនាមជាអ្នកគាំទ្រ ក៏បានចូលរួមអបអរសារទរ ពិសេសគេនៅតែសរសើរពីសម្រស់របស់នាងជាច្រើនហូរហែរមិនដាច់ពីមាត់ផងដែរ៕
ទស្សនារូបភាព Baifern ក្នុងថ្ងៃទទួលពានរង្វាន់ខាងក្រោម៖