ភ្នំពេញ៖ នាថ្ងៃទី ៩ ខែ កញ្ញា ឆ្នាំ ២០២០ កន្លងទៅនេះ គណៈគ្រប់គ្រងសាកលវិទ្យាល័យ ពុទ្ធិសាស្រ្ត ទទួលបដិសណ្ឋារកិច្ចប្រតិភូជាន់ខ្ពស់នៃក្រសួងអប់រំ យុវជន និងកីឡា ដែលដឹកនាំដោយឯកឧត្តម យក់ ង៉ុយ រដ្ឋលេខាធិការ ក្រសួងអប់រំ យុវជន និងកីឡា រួមទាំងក្រុមការងារបច្ចេកទេស អញ្ជើញទស្សនកិច្ច និងចុះអនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ ពុទ្ធិសាស្រ្តឡើងវិញ។

អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ

ឯកឧត្ដមរដ្ឋលេខាធិការ និងប្រតិភូជាន់ខ្ពស់នៃក្រសួងអប់រំ យុវជន និងកីឡា បានវាយតម្លៃខ្ពស់ និងកោតសរសើរចំពោះ ការរៀបចំ និងត្រៀមលក្ខណៈរបស់សាកលវិទ្យាល័យក្នុងការអនុវត្តតាមសេចក្តីណែនាំរបស់ក្រសួង និងស្ថាប័នពាក់ព័ន្ធ ក្នុងការឆ្លើយតបទៅនឹងស្តង់ដារអនាម័យ ក៏ដូចជាវិធានការក្នុងការការពារសុខភាព (SOP) ។ ជាមួយគ្នានេះដែរក្រសួងអប់រំ យុវជន និងកីឡាបានកោតសរសើរ លើការ​ប្តេជ្ញាចិត្តរបស់សាកលវិទ្យាល័យ ពុទ្ធិសាស្រ្ត ក្នុងការចែករំលែកព័ត៌មាន និងការអប់រំអំពីហានិភ័យពីការឆ្លងជំងឺកូវីដ១៩។

ប្រតិភូជាន់ខ្ពស់នៃក្រសួងអប់រំ យុវជន និងកីឡា ក៏មានសេចក្តីសោមនស្សរីករាយផងដែរជាមួយ នឹងការត្រួតពិនិត្យលើប្រព័ន្ធសិក្សាអនឡាញ ដែលអនុញ្ញាតឲ្យនិស្សិតសាកលវិទ្យាល័យ ពុទ្ធិសាស្រ្តមានឱកាសបន្តការសិក្សារបស់ខ្លួនបានរហូតជិត ១៥០០០ ម៉ោងក្នុងរយៈពេល៦ខែចុងក្រោយនេះ។

សាកលវិទ្យាល័យ ពុទ្ធិសាស្រ្ត ក៏សូមគោរពថ្លែងអំណរគុណឯកឧត្ដម យក់ ង៉ុយ រដ្ឋលេខាធិការ ក្រសួងអប់រំ យុវជន និងកីឡា និងក្រុមការងារបច្ចេកទេសដែលបានចំណាយពេលវេលាដ៏មានតម្លៃ និងផ្តល់កិតិ្តយសចុះធ្វើអធិការកិច្ច នៅបរិវេណសាកលវិទ្យាល័យដើម្បីត្រៀមខ្លួនក្នុងការបើកដំណើរការឡើងវិញក្នុងដំណាក់កាលទី២នេះ។ គណៈគ្រប់គ្រងសាកលវិទ្យាល័យ ពុទ្ធិសាស្រ្តមានសេចក្តីសោមនស្សរីករាយ ដែលសាកលវិទ្យាល័យបានអនុវត្តស្តង់ដារសុវត្ថិភាពខ្ពស់ សម្រាប់ និស្សិត ក៏ដូចជាបុគ្គលិក សាស្រ្តាចារ្យ ដើម្បីត្រៀមខ្លួនក្នុងការបើកដំណើរការសាកលវិទ្យាល័យឡើងវិញ ក្នុងពេលឆាប់ៗនេះ។ សាកលវិទ្យាល័យ ពុទ្ធិសាស្រ្ត គឺជាសាកលវិទ្យាល័យមួយក្នុងចំណោមសាកលវិទ្យាល័យផ្សេងៗទៀតនៅក្នុងព្រះរាជាណាចក្រកម្ពុជា ដែលនឹងត្រូវបានអនុញ្ញាតឲ្យបើកដំណើរការឡើងវិញ។

សាកលវិទ្យាល័យ ពុទ្ធិសាស្រ្ត សង្ឃឹមយ៉ាងម៉ុតមាំ និងរង់ចាំស្វាគមន៍ សិស្ស និស្សិតយ៉ាងកក់ក្តៅក្នុងការវិលត្រឡប់មកសាកលវិទ្យាល័យវិញទៅតាមគន្លងសិក្សាថ្មី ប្រកបដោយស្តង់ដារអនាម័យ និងសុវត្ថិភាពក្នុងពេលឆាប់ៗនេះ ហើយធានាក្នុងការរក្សាអនាម័យខ្ជាប់ខ្ជួនដើម្បីប្រយុទ្ធប្រឆាំងរាល់ហានិភ័យពីការឆ្លងជំងឺកូវីដ១៩៕

អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ
អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ
អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ
អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ
អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ
អនុស្សរណៈនៃការយោគយល់គ្នាស្តីពីការបើកដំណើរការសាកលវិទ្យាល័យ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ