វ៉ាស៊ីនតោន៖ រដ្ឋមន្រ្តីក្រសួងការបរទេសសហរដ្ឋអាមេរិកលោក Michael Pompeo បានអំពាវនាវដល់បណ្តាប្រទេសនៅក្នុងតំបន់អាស៊ីអាគ្នេយ៍ ឱ្យកាត់ផ្តាច់នូវរាល់ទំនាក់ទំនងជាមួយក្រុមហ៊ុន ឬសហគ្រាសដែលគ្រប់គ្រងដោយរដ្ឋចិន ក្នុងគោលបំណងបង្កើនការដាក់សម្ពាធលើទីក្រុងប៉េកាំង ជុំវិញបញ្ហាបង្កជម្លោះទឹកដីនៅសមុទ្រចិនខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Pompeo បានប្រាប់ទៅបណ្តាប្រទេសជាសមាជិកអាស៊ានយ៉ាងដូច្នេះថា៖
កុំគ្រាន់តែនិយាយ ប៉ុន្តែត្រូវធ្វើសកម្មភាពផង។ សូមពិចារណាឡើងវិញនូវការធ្វើជំនួញអាជីវកម្មជាមួយក្រុមហ៊ុនគ្រប់គ្រងដោយរដ្ឋចិន ដែលតែងបន្តសកម្មភាពឈ្លានពាននៅសមុទ្រចិនខាងត្បូង ហើយកុំអោយបក្សកុម្មុយនិស្តចិនកេងប្រវ័ញ្ចលើយើង និងប្រជាជនរបស់យើង។
គួរឱ្យដឹងដែរថា ភាពតានតឹងនៅសមុទ្រចិនខាងត្បូងបានកើនឡើងក្នុងរយៈពេលប៉ុន្មានខែចុងក្រោយនេះ ដោយសារបញ្ហាមួយចំនួនរាប់ចាប់ពី ការឆ្លងរាលដាលនៃជំងឺកូវីដ១៩ ការធ្វើពាណិជ្ជកម្មរបស់ទីក្រុងប៉េកាំង រួមជាមួយសកម្មភាពធ្វើព្យុះធ្វើភ្លៀងរបស់ចិន ដែលមានបំណងចង់ទាមទារទឹកដីនៅសមុទ្រចិនខាងត្បូង៕
Bong I.T