ញយដងពេក! ស្ត្រីចំណាស់ម្នាក់ ត្រូវម្ចាស់ហាងពិន័យឲ្យអង្គុយពីមុខហាង និងពាក់ស្លាកជាប់នឹង.ក ក្រោយពីតាមទាន់លួចបន្លំយកសាច់ជ្រូក (មានវីដេអូ)

ចិន៖ កាលពីថ្ងៃសុក្រទី០៤ ខែកញ្ញាសប្ដាហ៍មុននេះ ស្ត្រីចំណាស់ម្នាក់ មិនបញ្ចេញឈ្មោះ ត្រូវបានម្ចាស់ហាងតាមទាន់ ក្រោយពីគាត់ធ្វើសកម្មភាពលួចបន្លំយកសាច់ជ្រូកចេញពីហាង។ ហេតុការណ៍នេះ បានកើតឡើងវេលាម៉ោង៥:០០នាទីល្ងាច នៅហាងលក់ទំនិញដ៏ធំមួយកន្លែងក្នុងទីក្រុង Foshan ប្រទេសចិន។

អ្នកស្រី Zhong ជាម្ចាស់ហាងបានឲ្យដឹងថា នៅថ្ងៃកើតហេតុ ស្ត្រីចំណាស់បានមកហាងដើម្បីទិញទំនិញ និងបានបន្លំយកសាច់ជ្រូកដាក់ចូលទៅក្នុងកាបូបយួរដៃ ខណៈពេលកំពុងគិតប្រាក់។ ទន្ទឹមនឹងនេះដែរ បុគ្គលិកក្នុងហាងបានសង្កេតឃើញពីសកម្មភាពលួចបន្លំ ហើយក៏សុំធ្វើការឆែកឆេរ នៅពេលស្ត្រីចំណាស់ដើរចេញពីហាង។

ចំពោះសកម្មភាពលួចបន្លំនេះ មិនមែនជាលើកទីមួយសម្រាប់ស្ត្រីចំណាស់ឡើយ ដោយគាត់បានលួចបន្លំយកអីវ៉ាន់ចេញពីក្នុងហាងខាងលើចំនួន២ដងមកហើយ។ ហើយទើបលើកនេះ ម្ចាស់ហាងសម្រេចចិត្តទូរសព្ទទៅប្ដឹងប៉ូលិសតែម្ដង។

យ៉ាងណាមិញ ប៉ូលិសក៏បានធ្វើការអប់រំដោយផ្ទាល់ទៅដល់ស្ត្រីចំណាស់ និងពិន័យឲ្យបង់ប្រាក់មួយចំនួនផងដែរ តែខាងគ្រួសាររបស់គាត់បដិសេធមិនព្រមបង់ឡើយ។ តែទោះជាយ៉ាងណាក៏ដោយ ម្ចាស់ហាងបានរកវិធីមួយជំនួស ដោយឲ្យស្ត្រីចំណាស់អង្គុយពីមុខហាង និងពាក់ស្លាកជាប់នឹង.ក ដែលបានសរសេរថា «ចោរ លួចបន្លំចំនួនបីដងហើយ»។ ហើយរយៈពេល១០នាទីក្រោយមក ស្ត្រីចំណាស់ក៏ត្រូវបានអនុញ្ញាតឲ្យត្រលប់ទៅផ្ទះវិញ៕

សូមទស្សនារូបភាពនិងវីដេអូខាងក្រោម៖