ថៃ៖ ទោះបីទ្រនំខុសគ្នាទៅហើយក្ដី ក៏ប៉ុន្តែ ទំនាក់ទំនងស្នេហា កំពុងតែផ្អែមល្ហែមខ្លាំងឡើង និងរីកចម្រើនទៅមុខយ៉ាងរលូន ពីមួយថ្ងៃទៅមួយថ្ងៃ រវាងតារាសម្តែងប្រុសកូនកាត់រូបសង្ហាលោក Mik Thongraya និងតារាសម្តែងស្រី Bow Maylada។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង នៅក្នុងកិច្ចសម្ភាសន៍កាលពីថ្មីៗនេះ តារាសម្តែងប្រុសលោក Mik Thongraya យោងតាមព័ត៌មានកម្សាន្តរបស់ GMM 25 ដែលបានលើកឡើងថា បច្ចុប្បន្ននេះលោក និង Bow មិនសូវជាបានជួបគ្នាញឹកញាប់នោះទេ ដោយសារមមាញឹក នឹងការងារថតរៀងៗខ្លួន។
តែយ៉ាងណាមិញ តារាសម្តែងថៃ កូនកាត់ដាណឺម៉ាក រូបនេះក៏បានបញ្ជាក់បន្ថែមទៀតថា ទោះបីជាមិនមានពេលអោយគ្នាទៅវិញទៅមកមែនពិត ក៏ពួកគេក៏មានពេលវេលាទំនេរដៃពីការងារគ្រប់គ្រាន់ នឹងឆ្លៀតធ្វើដំណើរកម្សាន្តជាមួយគ្នាទៀតផង។
មិនត្រឹមតែប៉ុណ្ណោះ តារាប្រុសលោកបានសារភាពថា លោកពិតជានឹក Bow ខ្លាំងណាស់ ហេតុដូច្នេះហើយ នៅពេល សង្សាររបស់លោកបង្ហោះរូបលើអ៊ីនស្តាក្រាមជារឿយៗ លោកតែងតែបង្ហាញក្តីស្រលាញ់ ជាមួយពាក្យពេន៍ផ្អែមល្អែមលើរូបថតរបស់ Bow ដែលបង្ហោះម្តងៗ៕
សូមទស្សនារូបខាងក្រោម៖