ថៃ៖ ម្ចាស់រមណីយដ្ឋានមួយដែលត្រូវបានសាងសង់ដោយខុសច្បាប់នៅក្នុងឧទ្យានជាតិ ខៅឡាម ទីបំផុតត្រូវបានគេផ្តល់ឱ្យរយៈពេល ៧ថ្ងៃដើម្បីរុះរើ និងចាកចេញ បន្ទាប់ពីប្រឆាំងនឹងដីការបស់តុលាការអស់រយៈពេល ៣ ឆ្នាំ។ ហើយក៏មានគណបក្សមួយផ្សេងទៀតក៏បានដាក់ពាក្យបណ្តឹងទៅរមណីយដ្ឋាន និងដីនេះផងដែរ ដែលធ្វើឱ្យស្មុគស្មាញ និងអូសបន្លាយពន្យារពេលកាន់តែយូរថែមទៀត។

កាលពីថ្ងៃព្រហស្បតិ៍ មន្រ្តីឧទ្យានបានប្រកាសការព្រមានចុងក្រោយនៅឯរមណីយដ្ឋាន ក្រវាញ រីមរុន ក្នុងស្រុកថ្ពងផលនោះ។ ក្នុងរយៈពេលប្រាំពីរថ្ងៃវាអាចប្រឈមនឹងការរុះរើ ហើយម្ចាស់នឹងត្រូវចេញលុយសម្រាប់ថ្លៃរុះរើផងដែរ។

រូបភាពរមណីយដ្ឋានថតពីលើ

ម្ចាស់រមណីយដ្ឋានឈ្មោះ Kittipong Tonsomboon និងភរិយាឈ្មោះ Sompang មិនព្រមទទួល យកចំពោះការកាត់ក្តីនេះទេ ហើយក៏មិនបានបង់ប្រាក់ពិន័យប្រហែល ១០ ម៉ឺនបាតដែរ។  ទោះយ៉ាង ណាប្តីប្រពន្ធដែលជាអតីតគ្រូបង្រៀនទាំងពីររូបនេះមិនអើពើនឹងបទបញ្ជាឱ្យចាកចេញពីតំបន់ហាមឃាត់នេះដែរ។

ដោយឡែក នីតិវិធីធម្មតារបស់នាយកដ្ឋានក្រសួងឧទ្យានជាតិ និងអភិរក្សរុក្ខជាតិសត្វព្រៃតម្រូវឱ្យម្ចាស់សំណង់ត្រូវបានគេរកឃើញថា ស្ថិតនៅលើដីព្រៃដោយខុសច្បាប់ដើម្បីរុះរើសំណង់ និងចាកចេញឬបង់ថ្លៃការវាយកម្ទេចដោយអាជ្ញាធរ។  

បញ្ហានេះកាន់តែស្មុគស្មាញនៅពេលការិយាល័យតំបន់ការពារតំបន់ ៣ ទទួលបានលិខិតចុះថ្ងៃទី  ២៤ ខែសីហា ពីមេធាវីដែលមានមូលដ្ឋាននៅហាតយ៉ៃ ស្រុកសុងក្លា ដោយអះអាងថា រមណីយដ្ឋាននេះជាកម្មសិទ្ធិរបស់កូនក្តីរបស់គាត់គឺ Samarn Hongieam ។

គួរឱ្យដឹងផងដែរថា ការប្រជុំមួយត្រូវបានរៀបចំឡើងនៅថ្ងៃទី ២៥ ខែកញ្ញា នៅពេលដែលមេធាវី និងកូនក្តីរបស់គាត់នឹងត្រូវបង្ហាញពីទីភ្នាក់ងារដែលពួកគេបានទាមទារ និងភស្តុតាងរបស់ពួកគេ។ ហើយចំពោះលោក Niphon បាននិយាយថា ឧទ្យាននេះនឹងចាត់វិធានការតាមផ្លូវច្បាប់ប្រឆាំងនឹងលោក  Samarn ប្រសិនបើការអះអាងរបស់គាត់គ្មានមូលដ្ឋាន និងភស្តុតាងច្បាស់លាស់៕

រូបភាពមន្ត្រីប៉ូលីសចុះទៅត្រួតពិនិត្យដីនៅរមណីយដ្ឋាន

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]