បរទេស៖ កាលពីថ្ងៃទី ៨ ខែ កញ្ញា សារព័ត៌មាន E! News បានបញ្ចេញនូវវីដេអូពិសេសមួយអំពី BTS ជាមួយនឹងសម្លេងរបស់ Justin Bieber ។ នៅក្នុងវីដេអូនោះ Justin Bieber បានចាប់ផ្តើមដោយនិយាយថា «បើមាននរណាម្នាក់និយាយថា គេដឹងពីវិធីបង្កើតប្រវត្តិសាស្ត្រ នោះគេគឺជា BTS ក្រុម K-pop មួយនេះបានបង្កើតនូវស្នាដៃជាច្រើននៅក្នុងផ្នែកតន្ត្រីទូទាំងពិភពលោក ហើយសម្រាប់ឆ្នាំ ២០២០ នេះ ក៏កាន់តែជាឆ្នាំមួយដ៏អស្ចារ្យសម្រាប់ពួកគេទៀត»។ បន្ទាប់ពីនោះ នៅក្នុងវីដេអូ Justin Bieber ក៏បានលើកឡើងពីស្នាដៃដែល BTS បានធ្វើចាប់តាំងពីពួកគេចេញមុខក្នុងវិថីសិល្បៈ ដំបូង និងបកស្រាយថា មកមូលហេតុអ្វីទើបបទ Dynamite បានទទួលភាពល្បីល្បាញបែបនេះ ហើយតាមរយៈវីដេអូបាននិយាយថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស«ប៉ុស្តិ៍វិទ្យុនៅក្នុងសហរដ្ឋអាមេរិក បានធ្វើការចាក់ផ្សាយបទ Dynamite យ៉ាងច្រើន ដែលជាទូទៅប្រសិនបើបទនោះ មិនមែនជាភាសាអង់គ្លេសទេ គឺមានការពិបាកខ្លាំងណាស់សម្រាប់ឱ្យប៉ុស្តិ៍វិទ្យុ យកមកចាក់ផ្សាយ ហើយលទ្ធផលនៃការដែលបានចាក់ផ្សាយនោះ បានធ្វើឱ្យបទ Dynamite បានឈរនៅតំណែងកំពូលរបស់ Billboard» ហើយលោកក៏បន្តទៀតថា «អ្នកគាំទ្ររបស់ពួកគេមិនបានរំពឹងទុកនោះទេថាពួកគេនឹងចេញបទចម្រៀងជាភាសាអង់គ្លេសសុទ្ធបែបនេះ ហេតុនេះហើយទើបពួកគេទទួលបានជោគជ័យខ្លាំងបែបនេះនៅសហរដ្ឋអាមេរិក ពួកគេបានបង្ហាញយ៉ាងច្បាស់ថា ភាសាកូរ៉េគឺជាផ្នែកមួយនៃសិល្បៈរបស់ពួកគេ ហើយក៏ជាអត្តសញ្ញាណក្រុមទាំងមូលដឹងថា ពួកគេមិនចាំបាច់កែប្រែអ្វីដើម្បីទទួលបានការគាំទ្រនោះទេ»៕
បើចង់ជ្រាបច្បាស់ សូមទស្សនារូបភាព និងវីដេអូខាងក្រោម៖